https://sputnik.kg/20211130/ata-zhurt-kyrgyzstan-partiyasynan-kelchu-deputattardyn-biznesi-1054803165.html

"Ата-Журт Кыргызстандан" келчү депутаттардын бизнеси: ломбард, май куюучу жайлар

"Ата-Журт Кыргызстандан" келчү депутаттардын бизнеси: ломбард, май куюучу жайлар

Sputnik Кыргызстан

Автоматтык түрдө эсептөөчү системанын алдын ала маалыматы боюнча, "Ата-Журт Кыргызстан" партиясынын энчисине 15 мандат тиет. Sputnik болочок эл өкүлдөрүнүн... 30.11.2021, Sputnik Кыргызстан

2021-11-30T10:55+0600

2021-11-30T10:55+0600

2021-12-14T14:27+0600

2021-жылкы парламенттик шайлоонун жыйынтыгы

коом

жаңылыктар

кыргызстан

"ата-журт кыргызстан" партиясы

талапкер

депутат

бизнес

ломбард

май куюучу бекет

https://sputnik.kg/img/07e5/0b/02/1054445378_0:0:3073:1728_1920x0_80_0_0_8b448a751bfec5905a47d679da1b47b9.jpg

Шайлоонун жыйынтыгы менен алдыга озуп чыккан саясий бирикмелердин бири — "Ата-Журт Кыргызстан" партиясы.Жекшембиде Кыргызстанда Жогорку Кеңешке шайлоо өттү. Автоматтык түрдө эсептөөчү тутумдун алдын ала маалыматтарына таянсак, "Ата-Журт Кыргызстан" партиясы 15 мандатка ээ болушу мүмкүн. Аталган партиядан парламентке келип калышы ыктымал деген он беш талапкердин бизнесине кызыгып көрдүк.Маалыматтар Юстиция министрлигинин расмий сайтынан алынды.Бакыт Төрөбаевдин атына "Өнүгүү" коомдук фонду катталган. ЖК депутаты болгонго дейре анын бир нече, атап айтканда, "Жамиля и К" фирмасы, "Азия-Сузак" чарбасы, ошондой эле ун чыгаруучу ири ишканасы болгон. Юстиция министрлигинин расмий порталындагы маалыматтарга караганда, "Ай-Балта" күзөт агенттиги, ошондой эле "Алай Инвест" жоопкерчилиги чектелген коому Фархат Исмаиловдун наамында. Ош шаарынын мурдагы мэри Таалайбек Сарыбашовго эки мекеме: Ош облусун өнүктүрүү фонду жана Алай районунун аймактарын өнүктүрүү фонду таандык. Айбек Маткеримов жеке ишканага ээ эмес, анын атына "Ата-Журт Кыргызстан" саясий партиясы гана катталган. Юстиция министрлигинин маалыматына таянсак, Жеңишбек Токторбаев — "Дастан-Ж" жоопкерчилиги чектелген коомунун жетекчиси. Эльдар Сулаймановго катталган "Кыргыз-кытай биргелешкен корпорациясы" жоопкерчилиги чектелген коому бар. Ал саламаттык сактоо жаатында иш алып барат. Равшанбек Сабировго бир нече уюм катталган. Алардын бири — Абулкасим Фирдовси атындагы кайрымдуулук фонду. Ошондой эле Рудаки атындагы КРдеги тажиктер коомдук биримдиги анын наамында. Тийиштүү министрликтин сайтында Жылдыз Садырбаевага катталган компания жок. Алишер Козуев "РОССИЯ Нефть" жоопкерчилиги чектелген коомунун жетекчиси катары көрсөтүлгөн. Компания күйүүчү май, майлоочу материалдар жана техникалык май сатуу менен алектенет. Жаныбек Кыдыкбаев — "Айылым-Маман" коомдук фондунун түптөөчүсү. Мейкинбек Абдалиев, Юстиция министрлигинин маалыматы боюнча, "Ноокен биримдиги" коомдук бирикмесин түптөгөн. Юстиция министрлигинин порталында Жамиля Исаевага катталган ишкана жана мекеме жок. Надира Нарматовага бир нече ишкана таандык. Алардын бири "Мээримбек" күйүүчү, техникалык май жана майлоочу материалдарды сатууга адистешкен. Ушундай эле аталыштагы дагы бир компания министрликтин сайтында кайрымдуулук уюму катары белгиленген. Булардан тышкары Надира Нарматова ломбардга ээлик кылат. Юстиция министрлигинин сайтында Камила Талиеванын наамындагы компания жана уюмдар тууралуу маалымат жок. Гулшаркан Култаевага бир нече ишкана катталган. Алардын бири кыш, черепица жана күйгүзүлгөн чоподон жасалчу башка курулуш материалдарын чыгарат. Ошондой эле анын наамында туризм тармагына адистешкен MEGA-TOUR агенттиги, МЭГУ ишканасы бар. 

2021

Жаңылыктар

kg_KG

2021-жылкы парламенттик шайлоонун жыйынтыгы , коом, жаңылыктар, кыргызстан, "ата-журт кыргызстан" партиясы, талапкер, депутат, бизнес, ломбард, май куюучу бекет, жогорку кеңеш, жогорку кеңешке шайлоо, жогорку кеңешке жаңы тартип менен болчу шайлоо, жогорку кеңешке шайлоо 2021