Саякатка чыкканда кайсы дары-дармекти ала жүрүү керек. Тизме

© Фото / Pixabay/ MizianitkaДары-дармектер. Архив
Дары-дармектер. Архив - Sputnik Кыргызстан, 1920, 22.06.2021
Жазылуу
Адис алыс жакка чыкканда баш оору, ич өткөк, тамак оору, мурун бүтүү, дене табын түшүрүүчү, тамак сиңирүүчү, дезинфекциялоочу препараттарды алып алууну сунуштайт.
БИШКЕК, 22-июн. — Sputnik. Кыска мөөнөттүк эс алуубу же чет өлкөгө саякат болобу, айтор, киши жанына айрым дары-дармектерди ала жүрүшү зарыл. Алар кайсылар экенин РИА Новости агенттигине Москва шаарынын Алгачкы медициналык жардам көрсөтүү департаментинин штаттан тышкаркы башкы адиси Андрей Тяжельников санап берди.
Дарыгердин айтымында, үйдөн алыс чыккан адамдын жанында дайыма ичип жүргөн дарысы жана эгер өнөкөт оорулары болсо, ага керектүү препараттары болушу шарт. Ошондой эле баш оору, ич өткөк, дене табын түшүрүүчү, тамак сиңирүүчү препараттардын болгону жакшы.
Мындан тышкары, аллергияга каршы, ооруну басаңдатчу, тамак ооруга жана мурун бүтүүгө каршы каражаттар ашыкча болбойт.
"Сыртта жүргөндө кокустуктар көп болушу мүмкүн. Адам суук тийгизип алат, тамак жакпай калат же бир нерсеге аллергия болушу ыктымал. Ошондой эле жаракат дагы алып калышы мүмкүн. Андыктан йод, дезинфекциялоочу каражаттар, бинт, пластырь дагы зарыл болуп калышы мүмкүн", — деди Тяжельников.
Адистин пикиринде, тоо-ташта жүргөндө мындай дарылар табылбайт. Эгер башка өлкөдө болсоңуз, дарыкана маңдайыңызда турган учурда дагы керектүү препаратты ала албай калышыңыз мүмкүн. Анткени ар кайсы жерде дары сатуу боюнча ар кандай эрежелер бар.
Жаңылыктар түрмөгү
0