БИШКЕК, 7-ноя. — Sputnik. Социалдык блок боюнча вице-премьер өлкө аймагында коронавирус инфекциясынын жайылышына каршы күрөшүү жана аны жоюу боюнча ыкчам штабдын төрагасы болуп дайындалды. Бул тууралуу өкмөттүн маалымат кызматы кабарлады.
Тийиштүү буйрукка премьер-министр Садыр Жапаров кол койгон.
Ал эми республикалык штабдын төрагасынын орун басары болуп саламаттык сактоо министри эсептелмекчи.
Министр: 10-15 күндөн кийин экинчи толкундун жогорку чегине жетебиз
"КР өкмөтү жөнүндө" конституциялык мыйзамдын 18-беренесине ылайык, премьер-министрдин ушул жылдын 20-мартындагы №171 буйругуна өзгөртүүлөр киргизилген.
Эльвира Сурабалдиева учурда социалдык тармакты караган вице-премьер. Мурунку өкмөттө штабдын башчысы биринчи вице-премьер Алмазбек Баатырбеков болгон.
