04:43 27 Тогуздун айы 2020
Түз эфир
  • USD80.6364
  • EUR95.2961
  • RUB1.0548
Коом
Кыскача шилтеме алуу
221 0 0

Жогорку окуу жайларга документ тапшыруу жана билим алуунун жол-жобосун Москва мамлекеттик  психология-педагогикалык университетинин өкүлдөрү айтып беришти.

Ушу тапта коронавирус инфекциясынын жайылышынан улам дүйнө жүзүндө чектөөлөр киргизилип, бир топ иш-чаранын мөөнөтү жылды. Айрымдарын онлайн-форматка өткөрүү учурдун талабы болуп турат. Sputnik кабарчысы Лев Рыжков Россиянын жогорку окуу жайларынын графиги тууралуу кенен макала даярдаган.

Чет элдик абитуриенттер үчүн үч жол бар

Пандемиядан улам өлкөлөрдөгү киргизилген чектөөлөргө карабастан чет элдик жарандар быйыл Россиянын окуу жайларынан билим ала алат.

Москва мамлекеттик психология-педагогикалык университетинин ректору Аркадий Марголистин айтымында, окуу жай постсоветтик мамлекеттердин дээрлик бардыгы менен иштешет.

"Мурунку СССРге кирген республикалардын баарынан студенттер бар. Биз Роскызматташтык жана анын ар бир өлкөдөгү өкүлчүлүгү менен тыгыз иштешебиз. Постсоветтик мамлекеттерде өткөн билим берүү көргөзмөлөрүнүн дээрлик бардыгына катышып келе жатабыз", — деди ал.

Роскызматташуунун квотасы менен тапшырып жаткан абитуриенттер быйыл тынчсызданбай эле койсо болот, анткени бардык арыздар каралып бүттү. Бирок кабыл алуу комиссиясынын жооптуу катчысы Сергей Будыкин россиялык диплом алуу үчүн Федералдык агенттиктин жардамынан башка да жолдор бар экенин белгилейт.

"Экинчи варианты — россиялыктарды мекенине кайтаруу боюнча мамлекеттик программа. Бул үчүн ата-энесинин СССРде туулганын күбөлөндүргөн документ, өзүнүн туулгандыгы тууралуу күбөлүктү көрсөтүп, мекендеш экенин тастыкташы керек. Бул учурда сиз бюджеттик орун үчүн ат салыша аласыз", — деди Будыкин.

Ал эми ЕАЭБге мүчө-мамлекеттердин (Белоруссия, Казакстан, Кыргызстан, Армения) бүтүрүүчүлөрү Россия жарандары менен бирдей эле бюджеттик орунга тапшыра алат.

"Арыз берүү үчүн кошумча документ тиркөөнүн кажети жок. Болгону буга чейинки алган билими тууралуу жана абитуриенттин өздүгүн тастыктаган документтин (адатта бул паспорт) нотариалдык котормосу керек", — деди жооптуу катчы.

Документтерди электрондук вариантта интернет аркылуу тапшырса болот.

Түйшүктүү август

Быйыл окуу жайга тапшыруу мөөнөтү кыйла жылганы маалым. Абитуриенттер менен ата-энелерди экзамен качан башталат деген суроо да түйшөлтүп келет.

Будыкиндин айтымында, 2020-жылдын 20-июну РФ ЖОЖдору документ кабыл алууну баштоого милдеттүү болгон акыркы күн.

"Азырынча кабыл алуу качан аяктаары белгисиз. Анткени ЖОЖдун баары Бирдиктүү мамлекеттик экзамендин жана иштерди текшерүү расписаниесинин расмий бекитилишин күтүп жатат", — деди ал.

Экзамен тапшырчулардын басымдуу бөлүгү 23-июлда келет деп болжолдонуп жатат. Ал эми 25-июль резервдик күн деп белгиленди.

"Эксперттер иштерди үч күн текшерет. Эгер негизги агымга басым жасай турган болсок, экзамен 26-июлда бүтөт. Андан 23 календардык күндү санайбыз. Бул учурда 19-августта мамлекеттик экзаменден кийин тапшыра турган жарандардын документин кабыл алууну аякташыбыз керек", — деди Будыкин.

Анын айтымында, чет элдиктер экзамендерди классикалык вариантта, башкача айтканда, мамлекеттик экзаменсиз тапшыра алат.

"Бул учурда 23 эмес, 9 календарлык күн эсептелет. Мындан улам экзамендер нагизги агым үчүн 4-августта башталып, 6-август резервдеги күн болот. Демек, документ тапшыруу мөөнөтү бир топко жылды", — деди жооптуу катчы.

Окуу жылы

Ал эми жаңы окуу жылы өз маалында, 1-сентябрда, башталмай болду. Ректор Аркадий Марголистин айтымында, окуу процессинин жүрүшү боюнча азыр үч сценарий бар.

"Биринчисинде окуу жылы кадимки шартта, тагыраагы, күндүзгү окуу формасында болот. Мында буга чейинки жылдардан эч өзгөрүү болбойт. Ошол эле учурда окуу процесси башкача болушу мүмкүн экенин да четке какпайбыз. Социалдык аралыкты сактоо режими калышы ыктымал. Мындай кырдаалда дистанттык моделди да ойлонуштурушубуз керек. Мындан тышкары, аралыктан окуу режими көпкө чейин сакталып калышы мүмкүн", — деди жетекчи.

Марголис окуу процессинин бардык сценарийи каралып жактанын белгилеп, студенттердин материалдык-техникалык жактан камсыздалуусу да эске алынарын кошумчалады.

Тема боюнча

Аттестат качан берилип, ЖОЖдор кантип кабыл алат? Бүтүрүүчүнүн 8 суроосуна жооп
Белгилер:
абитуриент, документ, экзамен, ректор, ЖОЖ, Россия, окуу жылы

ЭҢ МААНИЛҮҮ