2000ден ашты. Бүгүн Кыргызстанда 33 адамдан коронавирус чыкты

© Sputnik / Владимир Астапкович / Медиабанкка өтүүОоруканадагы дарыгерлер. Архив
Ооруканадагы дарыгерлер. Архив - Sputnik Кыргызстан
Жазылуу
Акыркы күндөрү коронавирус инфекциясын жуктуруп алгандардын саны көбөйүп барат. Министрлик вирус аныкталгандардын дээрлик бардыгы бейтаптар менен байланышта болгондор экенин айтууда.

БИШКЕК, 7-июн. — Sputnik. Бүгүн өлкө аймагында 33 кишиден коронавирус аныкталганын саламаттык сактоо министринин орун басары Нурболот Үсөнбаев билдирди.

Анын тогузу Бишкекте, үчөө Чүйдө, сегизи Нарын облусунда, тогузу Ош шаарында экени айтылды. Мындан тышкары, Ош облусунда үч кишиден, Жалал-Абад облусунда бир кишиден чыккан.

"Жаңыдан жуктуруп алгандардын алтоо медицина кызматкерлери. Ушу тапта стационарда 560 бейтап дарыланууда, алардын ичинен экөө реанимацияда. Ооруканадан 1425 киши чыгарылды", — деди Үсөнбаев.

Ушуну менен коронавирус жуктуруп алгандардын жалпы саны 2007 болду.

Жаңылыктар түрмөгү
0