БИШКЕК, 25-май — Sputnik. Бүгүн, 25-майда, Бишкекте коомдук транспорт ишин баштады. Алгачкы күнү андагы абал кандай болорун көрүү үчүн Sputnik агенттигинин кабарчысы үйүнөн "Дордой" базарына жетүү үчүн алгач маршруттук автобус, троллейбус андан соң автобуска отурду.
Бул учурду ал түз эфирден көрсөттү. Автоунаа тыгыны гана болбосо, транспорттун ичинде кысылышкан эл байкалган жок.
Буга чейин мэриядан 25-майдан тарта борбор калаада 110 троллейбус, 112 автобус иштей баштаарын айтышкан. Транспорттун саны акырындык менен көбөйтүлмөкчү.
Мэрия жолго чыгуудан мурда жана ар бир каттам сайын транспорт каражаттары дезинфекцияланарын кошумчалаган. Бардык металл жана пластик нерселер тазаланып, транспорттун ичинде жүргүнчүлөрдүн саны орундуктардын саны менен чектелүүсү зарыл экендигин баса белгиледи.
Ал эми жүргүнчүлөр менен айдоочулар бет кап, кол капчан болушу шарт. Эң негизгиси, аралык сакталышы керек.
Кыргызстандагы COVID-19
Кыргызстанда коронавирус жуктургандардын жалпы саны 1433 адамга жетти. Алардын ичинен 992 бейтап айыгып кетти. Тилекке каршы, он алты киши каза тапты.
Өлкөдөгү абал тууралуу Sputnik Кыргызстан тексттик баяндама жүргүзүүдө.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.
