БИШКЕК, 11-апр. — Sputnik. Бишкектин беш жеринде обсервациялык пункт иш алып барууда. Бул туурасында брифинг учурунда Бишкектин коменданты Алмаз Орозалиев билдирди.
Анын айтымында, "Ак-Кеме" жана "Достук" мейманканасында, "Garden Hotel" отелинде, Улуттук онкология борбору менен Мамакеев атындагы Улуттук хирургия борборунда обсервациялык жайлар уюштурулган.
Кыргызстанда бир суткада 41 кишиден коронавирус чыгып, жалпы жонунан вирус аныкталган адамдардын жалпы саны 339 болду. Арасынан беш киши каза таап, 44 киши сакайды. Тилекке каршы, 51 медицина кызматкери COVID-19 менен күрөшүп жатат.
Кыргызстанда ушу тапта абал кандай болуп жатканын Sputnik Кыргызстан агенттиги жүргүзүп жаткан тексттик баяндамадан билүүгө болот.
Мындан тышкары, кабарларды ыкчам, ыңгайлуу шартта окуу үчүн Telegram-каналыбызга баш багыңыз.
