Медиктерге компенсация: Республикалык штаб ЖМК менен элдин башын айлантканда

© Sputnik / Табылды КадырбековЗаслуженный врач КР хирург Юсуп Уметалиев
Заслуженный врач КР хирург Юсуп Уметалиев - Sputnik Кыргызстан
Жазылуу
Буга чейин Республикалык штабдын Telegram-каналына вирус жуктурган медиктерге 200 миң сом, каза болуп калган учурда үй-бүлөсүнө бир миллион сом төлөнөрү жарыяланган. Бирок ошол эле штаб кайра башка версияны айтууда.

БИШКЕК, 8-апр. — Sputnik. Коронавирус менен күрөшүү боюнча республикалык штаб COVID-19 жуктуруп алган дарыгерлерге төлөнчү компенсациянын суммасы тактала элегин айтып, ЖМКлар менен элди адаштырууда.

Анткени буга чейин компенсация өлчөмү айтылган эле. Тагыраагы, бүгүн маалымат жыйыны учурунда вице-премьер-министр Кубатбек Боронов өкмөт компенсациялар боюнча документ даярдап жатканын маалымдаган. Бирок төлөнчү каражаттын суммасын атаган эмес

Бир нече мүнөттөн кийин Республикалык штабдын Telegram-каналына вирус жуктурган медиктерге 200 миң сом, каза болуп калган учурда үй-бүлөсүнө бир миллион сом төлөнөрү жарыяланган. 

Республикалык штабдын Telegram-каналынан алынган скриншот
Медиктерге компенсация: Республикалык штаб ЖМК менен элдин башын айлантканда - Sputnik Кыргызстан
Республикалык штабдын Telegram-каналынан алынган скриншот

Sputnik Кыргызстан редакциясы бул маалыматты Бороновдун сөзүнө кошумча иретинде кабыл алып, макалага кошкон. Бирок штабдан компенсациялардын өлчөмү эми гана каралып жатканын айтышууда.

Төлөмдөр боюнча Telegram-каналга чыккан пост өчүрүлдү, бирок редакция анын скриншотун сактап койгон.

Белгилей кетсек, бул бийликтин коронавируска байланыштуу акыркы күндөрү берген маалыматтар жана сандар боюнча биринчи жолку жаңылуусу эмес.

Саламаттык сактоо министри Сабиржан Абдикаримов - Sputnik Кыргызстан
Министр жаңылган. Жалал-Абад эмес, Ош шаарындагы оорукана жабылат
Эске сала кетсек, бүгүн, 8-апрель күнү, брифинг учурунда саламаттык сактоо министри Сабиржан Абдикаримов Жалал-Абад шаарындагы жугуштуу илдеттерди дарылоочу оорукана убактылуу жабылганын билдирген. Андан соң министрликтин маалымат кызматы Абдикаримов жаңылгандыгын, Жалал-Абад облустук ооруканасы эмес, Ош шаарындагы оорукана жабылат деген маалымат тараткан.

Көп өтпөй аталган оорукананын башкы дарыгери медициналык мекеме жабылбай эле штаттык режимде иштеп жатканын айтты

Буга чейин ушул эле министр сакайгандардын саны боюнча дагы ката маалымат берип койгон

Жаңылыктар түрмөгү
0