COVID-19 жуктуруп алган медиктерге 200 миң сомдон компенсация төлөнөт

© Фото / пресс-служба правительства КРПервый вице-премьер-министр Кубатбек Боронов
Первый вице-премьер-министр Кубатбек Боронов - Sputnik Кыргызстан
Жазылуу
8-апрелдеги маалыматка ылайык, коронавирус жуктуруп алган медиктердин саны 32ге жетти. Бактыга жараша, ак халатчандардын арасында бул илдеттен каза тапкандар жок.

БИШКЕК, 8-апр. — Sputnik. Коронавирус менен күрөшүү маалында вирус жуктуруп алган медиктерге же ооруп көз жумган дарыгерлердин үй-бүлөсүнө компенсация төлөп берүү боюнча документтер дайындалып жатат. Бул тууралуу биринчи вице-премьер Кубатбек Боронов брифинг учурунда билдирди.

"Мындай учурлар болбой эле койсун, болсо дагы аз болсун дейли. Бирок документ даярдалууда", — деди Боронов.

Ал кошумчалагандай, эки документ тең жакынкы күндөрү даяр болот.

Ал эми Республикалык штабдын маалыматы боюнча, өзгөчө кырдаал маалында кесиптик милдетин аткарып жатып ооруга чалдыккан дарыгерлерге жана медицина мекемелеринин кызматкерлерине 200 миң сомдон төлөнөт. Ошондой эле эгерде каза болуп калса, үй-бүлөсүнө 1 миллион сом акчалай компенсация берүү жагы чечилгени айтылды.

Коронавирустун кесепети

Дарыгерлер медициналык бет капчап иш учурунда. Архив - Sputnik Кыргызстан
Ошто жабылган балдар ооруканасында канча медик коронавирус жуктурганы айтылды
Бир суткада Кыргызстанда дагы 42 адамдан коронавирус аныкталды. Ушуну менен өлкөдө COVID-19 жуктургандардын саны 270ке жетти. Анын ичинен 35и айыгып, тилекке каршы, төрт адам каза болуп калды. Ошондой эле 32 медик дагы коронавируска чалдыкканы маалым.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Жаңылыктар түрмөгү
0