Өкмөт Таласта коронавирус жуктургандар аныкталды деген билдирүүнү төгүндөдү

© Sputnik / Татьяна Меель / Медиабанкка өтүүАял медициналык маскачан эл аралык аэропортунда жүргөн убакытта. Архив
Аял медициналык маскачан эл аралык аэропортунда жүргөн убакытта. Архив - Sputnik Кыргызстан
Жазылуу
Соцтармактарда коронавирус менен ооругандар Покровкадагы ооруканага жаткырылганы тууралуу маалымат тараган.

БИШКЕК, 7-мар. — Sputnik. Өкмөт Таластын Манас районуна келген чет элдик жарандардан коронавирус аныкталды деп тарап жаткан билдирүүнү четке какты.

Соңку учурда социалдык тармактарда жана мессенжерлерде коронавирус менен ооруган Түркиянын жарандары Покровкадагы ооруканага жаткырылганы туурасында маалымат тараган.

"Кыргызстандын аймагында коронавирус жуктурган адамдар аныкталган жок, эпидемиологиялык кырдаал туруктуу. Аудио аркылуу жалган маалымат тараткан адам Манас районунун тургуну экени аныкталды. Коронавирустун алдын алуу боюнча республикалык штаб элди дүрбөлөңгө түшүрүп, жалган билдирүүлөрдү жайылтпоого чакырат. Мамлекеттик органдардын расмий маалыматына гана ишениңиздер", — деп айтылат маалыматта.

Ошондой эле штаб соода жана бизнес борборунун, супермаркеттин жана көңүл ачуучу жайлардын жетекчилерине кардарлардын саламаттыгына кам көрүп, аба тазалоочу жана дезинфекциялоо каражаттарын колдонууга чакырат.

Коронавирус тууралуу

вице-премьер Эркин Асрандиев - Sputnik Кыргызстан
Асрандиев: өлкөдө азык-түлүктүн камы жетиштүү
Жыл башында Кытайдын Ухань шаарында чыккан коронавирус тездик менен жайылып, Япония, Түштүк Корея, Иран жана Италияда күч алганы белгилүү болду. Кыргызстан аталган өлкөлөрдүн жарандарын убактылуу киргизбей туруу чечимин кабыл алды. Ал эми Кытай менен чек аралар жабылып, авиакаттам токтотулган.

Республикалык штаб эл көп чогулган жерлерден оолак болууну сунуштап, өздүк гигиенаны сактоого чакырууда. Көп сандагы адамдардын катышуусундагы маданий-массалык иш-чараларды өткөрүүгө тыюу салды.

Соңку маалыматка караганда, коронавируска кабылгандардын саны 102 180 кишиге жетти. Ал эми илдеттен сакайып чыккандардын саны — 57 389, көз жумгандар 3 491 болду.

Жаңылыктар түрмөгү
0