БИШКЕК, 4-мар. — Sputnik. Былтыр Кыргызстанда туулган бөбөктөргө сейрек кездешүүчү Океан, Лексус, Океана, Ай-София деп аталган ысымдар ыйгарылган. Бул туурасында Мамлекеттик каттоо кызматынан кабарлашты.
Аталган ведомство кыздардын арасында сейрек кездешкен Жамайка, Жаңыл Мырза, Миңгүл, Ай-Күн, Океана, Ай-София, Луна, Көркөмай, Чачыке, Ветта, Умара, Таттыбүбү ысымдары коюлганын билдирди.
Умар жана Раяна аттары бир нече жылдан бери улам-улам коюлуп келе жатканы белгилүү болду.
Ал эми ысымдардын эң көп коюлган бештигине — Алинур, Алихан, Нурислам жана Али кирген. Кыздарга Амина, Алия, Айлин, Фатима көп коюлган.
Мамлекеттик каттоо кызматы 2019-жылы 173 миң 500 бөбөккө туулгандыгы тууралуу күбөлүк берген.
Алардын ичинен жарымынан көбү эркек балдар (51,2 пайызы), ал эми азыраагы (48,8 пайызы) кыздар экендиги айтылды.
Буга чейин 2019-жылы Кыргызстанда никеге тургандар менен ажырашкандардын саны туурасындагы маалымат жарыяланган.
