11:39 03 Кулжа 2020
Түз эфир
  • USD73.5222
  • EUR82.1316
  • RUB1.0658
Коом
Кыскача шилтеме алуу
411 0 0

Бул программага 35 жаштан жогору курактагы мугалимдер жана жогорку окуу жайлардын окутуучулары катыша албайт.

БИШКЕК, 13-фев. — Sputnik. Кыргызстандык мугалимдер Япониядан акысыз окуй алат. Бул тууралуу Билим берүү жана илим министрлигинен кабарлашты.

Маалыматка ылайык, Япониянын бир жылдык агартуучулук программасына башталгыч жана орто класстардын мугалимдери катыша алат. Программа "Жаш окутуучулар үчүн" деп аталат.

Япониядан акысыз билим алуу үчүн коюлган талаптар:

— жашы 35тен жогору болбошу шарт;

— мугалимдик тажрыйбасы беш жылдан кем эмес болушу керек;

— жогорку окуу жайлардын окутуучулары бул программага катыша албайт.

"Талапкерлерди тандоо эки этап менен өтөт. 4-мартта жазуу түрүндө тест болот. 11-мартта маектешүү жүрөт. Япон тилин кошумча үйрөнөм дегендер аталган өлкөгө барганда алты ай бою тил курсуна катышат", — деп жазылат маалыматта.

Талапкерлер билдирме-анкетаны 2020-жылдын 28-февралына чейин Япония элчилигине жеткирип бериши керек. Дареги: Бишкек шаары, Раззаков көчөсү, 16.

Тема боюнча

Быйылтан тарта 10-11-класстын окуучулары өзү тандаган сабакты гана окуп баштайт
Жаштарды жумушка алган ишкананы салыктардан бошотуу сунушталды. Жол-жобосу
Белгилер:
Кыргызстан, Япония, мугалим, окуу

ЭҢ МААНИЛҮҮ