06:17 21 Бирдин айы 2020
Түз эфир
  • USD69.8500
  • EUR75.4170
  • RUB1.0958
Коом
Кыскача шилтеме алуу
Кытайдагы жаңы типтеги коронавирус (130)
480 0 0

Тышкы иштер министрлиги менен Саламаттык сактоо министрлиги кыргызстандыктарга Кытайга барбай турууну сунуштады.

БИШКЕК, 24-янв. — Sputnik. Саламаттык сактоо министрлиги коронавирус боюнча абалды көзөмөлдөп жана алдын алуу боюнча атайын оперативдик штаб түздү. Бул тууралуу ведомствонун Коомдук саламаттык башкармалыгынын жетекчиси Айнура Акматова журналисттерге маалымат жыйыны учурунда айтты.

Аталган жыйынга катышып жаткан Республикалык жугуштуу оорулар ооруканасынын башкы дарыгери Гүлжигит Аалиев Кыргызстанда Кытайда жайылып жаткан коронавируска кабылды деп шектелгендер жок экенин жана болуп калса оорукана кабыл алууга даярдыгын билдирген.

Акматованын айтымында, штабга бир гана медиктер эмес, Чек ара кызматынын, Маданият, маалымат жана туризм министрлиги сыяктуу сырттан келген жарандар жана конокторго тиешеси бар бардык ведомстволордун өкүлдөрү кирди.

Штаб Кытайдагы абал жөнгө салынмайынча иштемекчи.

Дарттын чоо-жайы

Эскерте кетсек, 2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. Вирус адамдарга базарда сатылган жыландар аркылуу жуккан деген версия бар.

Медиктер оору адамдан адамга жугарын айтышты. Учурда дүйнөнүн ар кайсы өлкөлөрү аба майданындагы текшерүүнү күчөтсө, ал эми кыргыз ТИМи мүмкүн болсо Кытайга барбай турууну сунуштады.

Акыркы маалымат боюнча, коронавирус жуктуруп алгандардын саны 830га жетип, 25 киши каза тапты.

Тема:
Кытайдагы жаңы типтеги коронавирус (130)

Тема боюнча

Дүйнөнү сестенткен коронавирус. Оорунун келип чыгышы жана сактануу жолдору
Жыландан тарадыбы? Кытай илимпоздору коронавирустун эмнеден чыкканын боолголоду
Коронавирустан 25 киши өлүп, Кытайдын 10 шаарына кирүүгө тыюу салынды. Азыркы абал
Министр Чолпонбаев кытай элчиси менен жолугуп, коронавирусту талкуулады
Белгилер:
КР Саламаттык сактоо министрлиги, штаб, саламаттык сактоо, Кытай, Кыргызстан, коронавирус

ЭҢ МААНИЛҮҮ