16:03 21 Аяк оона 2020
Түз эфир
  • USD79.0444
  • EUR93.7348
  • RUB1.0535
Коом
Кыскача шилтеме алуу
Дүйнөгө жайылган коронавирус (1055)
18200

Учурда Кытайдагы табылган коронавирустун жаңы тиби дүйнө коомчулугун түйшөлдүрүп турган чагы. Ал Азиядан сырткары башка континенттерге да жайыла баштады.

БИШКЕК, 23-янв. — Sputnik. Кыргыз ТИМи Кытайга каттаган кыргызстандыктарга ал жакта эл көп чогулган жерлерге баруудан, чийки тамак-аш, деңиз азыктарын жегенден алыс болууга чакырып, бир нече сунуштарды айтты. Бул туурасында тышкы саясат боюнча ведомствонун маалымат кызматынан кабарлашты.

Учурда дүйнөгө кооптуулук жаратып жаткан коронавирустун жаңы тибинен сак болууга жана мүмкүн болсо Кытайга барбай турууга кеңеш берди.

Андан сырткары, бир нече сунуш-эскертүүлөр айтылды.

  • мүмкүн болушунча эл көп чогулган жерлерге барбаш керек;
  • колдон келсе Кытайдын коронавирустун жаңы тибинин очогу болгон аймактарынан алыс болуу зарыл;
  • мүмкүн болушунча коргонуучу бет каптарды кийип жүрүү керек;
  • чийки азыктарды жана малдын толук куурулбаган (бышырылбаган) этин, сүт жана деңиз азыктарынан баш тартуу;
  • кайнатылбаган сууну ичпөө;
  • колду жана жашылча-жемиштерди жакшылап таза жуу зарыл дешти.

Эскерте кетсек, декабрдын аягында Ухань шаарынын Хубэй провинциясында белгисиз өпкө оорусунун жайылганы байкалган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. Дүйнө коомчулугун түйшөлткөн дагы бир маалымат — адистер вирустун адамдардан бири-бирине жугарын аныктаганы болду.

Буга чейин ооруган 473 бейтаптын 17си каза тапканы айтылган.

Ушул тапта вирус 25 провинцияга жана ири шаарларга жетти.

Өткөн суткаларда 131 адам вирусту жаңыдан жугузуп алганы белгилүү болуп, анын сегизи көз жумган. Каза тапкандардын көбү 65 жаштан өткөндөр экендиги айтылат.

Мындан тышкары, 13 провинциядагы 275 адам жаңы типтеги коронавируска кабылышы мүмкүн деп каттоого алынган. Ошондой эле Гонконг, Макао, Тайвань, АКШ, Япония жана Түштүк Кореяда вирустан жабыркаган бирден киши катталган. Ал эми Таиландда үч киши аталган дартка кабылган.

Учурда оорулуулар менен жакын байланышта болгон 4928 адам медициналык көзөмөлгө алынды.

Дүйнөнүн ар кайсы өлкөлөрү аба майданындагы текшерүүнү күчөтүштү. 22-январь күнү Бишкектеги "Манас" эл аралык аэропортунда Үрүмчүдөн (Кытай) келген жүргүнчүлөр коронавируска текшериле баштады.

Коронавирус өзүнө отуздан ашык вирусту камтыйт. Алгач ирет 1965-жылы пайда болгону байкалган. Адамдардын, үй жаныбарларынын, куш, чочко, ири мүйүздүү малдын саламаттыгын жабыркатат. Оорудан дем алуу органдары, ичеги-карын, нерв системасы зыян тартат.

Тема:
Дүйнөгө жайылган коронавирус (1055)

Тема боюнча

Коронавирус Кытайда 17 кишинин өмүрүн алды
РФ окумуштуулары 7 күндө коронавирусту аныктоочу каражатты иштеп чыкты
Бишкек: аэропортто Кытайдан келгендер коронавируска текшерилип жатат
Белгилер:
кооптуулук, ден соолук, коронавирус, ТИМ, Кытай

ЭҢ МААНИЛҮҮ