Кыргызстандын аскерлери Белоруссияда ЖККУнун машыгуусуна катышып жатат
Кыргызстандын аскерлери Белоруссияда ЖККУнун машыгуусуна катышып жатат
Sputnik Кыргызстан
"Издөө-2019" машыгуусу 14-18-октябрь күндөрү өтөт. Ага Кыргызстан, Армения, Белоруссия, Казакстан, Россия, Тажикстан жана ЖККУнун Бириккен штабынын ыкчам тобу... 15.10.2019, Sputnik Кыргызстан
"Издөө-2019" машыгуусу 14-18-октябрь күндөрү өтөт. Ага Кыргызстан, Армения, Белоруссия, Казакстан, Россия, Тажикстан жана ЖККУнун Бириккен штабынын ыкчам тобу катышууда.
БИШКЕК, 15-окт. — Sputnik. Кыргызстандын аскерлери Жамааттык коопсуздук келишим уюмуна (ЖККУ) мүчө мамлекеттердин "Издөө-2019" деп аталган машыгуусуна катышууда. Бул туурасында Генералдык штабдын маалымат кызматы билдирди.
Машыгууга Кыргызстан, Армения, Белоруссия, Казакстан, Россия, Тажикстан жана ЖККУнун Бириккен штабынын ыкчам тобу катышууда. Жалпы жонунан 2000ге чукул аскер, 250дөн ашуун техника тартылган. Арасында авиациялык техника да бар.
"Издөө-2019" машыгуусу 14-18-октябрь күндөрү төрт полигондо эки этап менен өтөт. Анын алкагында ЖККУнун Ыкчам аракетке келүүчү жамааттык күчтөр менен биргеликте операцияга даярдык көрүү жана ар кандай каражаттар менен күч колдонуу боюнча тажрыйба топтошот.
Ошондой эле жерде, абада жана башка учурларда, ошону менен бирге түнкүсүн да чалгындоо иштери жүргүзүлөт. Аскерлер уюмга мүчө мамлекеттерди буктурмадан чыгаруу, куралдуу кылмышкерлердин тобун бутага алуу жана калктуу аймактарды бошотуу чараларын көрүшөт.
