17:40 19 Баш оона 2019
Түз эфир
  • USD69.7839
  • EUR77.4776
  • RUB1.0477
Кыргызстандын мурдагы президенти Алмазбек Атамбаев. Архив

Атамбаев Россияга качан жана канча күнгө бара тургандыгын айтты. Видео

© Sputnik / Табылды Кадырбеков
Коом
Кыскача шилтеме алуу
Мурдагы президент Алмазбек Атамбаевдин Москвага сапары (19)
5981 0 0

Мурдагы президенттин өлкөдөн чыгышына же кайра киришине кепилдик бар-жогу туурасында да билдирди.

БИШКЕК, 19-июн. — Sputnik. "Кийинки аптада бир-эки күнгө Россияга барып келейин деп жатам" деп билдирди мурдагы президент Алмазбек Атамбаев Кой-Таш айылында журналисттерге. 

"Бир-эки күнгө барып келишимди кээ бирөөлөрдүн каалабагандыгы көрүнүп турат. Кудай буюрса, учуп барып келем", — деди Атамбаев.

Журналисттин анын "өлкөдөн чыгышына же кайра киришине кепилдик барбы?" деген суроосуна "бир адам" туурасында айтып, жооп берди. Бул туурасындагы видео "Короче" Telegram-каналына жарыяланды. 

"Тараптар, мени чакырган адам баарын камсыздаганга аракет кылып жатат. Бирок баары бир Кудайга, өзүңө, чыныгы досторго ишенип, бардыгына даяр болушуң керек", — деди Атамбаев.

Эске салсак, 2019-жылдын 27-июнунда Жогорку Кеңеш Алмазбек Атамбаевди кол тийбестигинен ажыраткан.

Бул окуялардан кийин ИИМ Атамбаевди күбө катары суракка үч ирет чакырган, бирок мурдагы президент аларга баруудан баш тарткан. Анын себеби "азыркы бийлик укуктук талаадан чыгып кетти" деген пикирин айтып, "алардын оюнун ойнобой турганын" билдирген. Мурдагы президенттин юридикалык иштер боюнча өкүлү Сергей Слесарев Атамбаевдин дагы деле кол тийбестиги бар, укук коргоо органдары аны суракка чакыра албайт деген жүйөнү айткан. Ага акыркы, ИИМдин 3-жолку чакыруусу 18-июлда жеткирилген.

Ал эми ошол күнү кечинде Атамбаевди милиция күч менен кармап алууну пландап жатканын КСДПнын расмий өкүлү Кундуз Жолдубаева Facebook баракчасы аркылуу билдирген.

Бул боюнча ИИМ үн каткан. Алар Атамбаевдин тарапташтарынын эмне үчүн мындай билдирүүлөрдү таратып жатканы белгисиз экендигин айтышкан.

Атамбаевдин кол тийбестиги алынгандан кийин ал жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерде тарапташтарынын, саясаттагы үзөңгүлөштөрүнүн, партиялаштарынын жана элдин аягы үзүлбөгөнүн байкоого болот.

Эске салсак, 2019-жылдын 27-июнунда Башкы прокурор Өткүрбек Жамшитов парламенттеги депутаттык комиссия койгон алты күнөөнүн бешөөсү негиздүү экенин ырастап, бул боюнча өзүнүн корутундусун дагы билдирген.

Алар: Кой-Таш айылындагы жер тилкесин мыйзамсыз алуу, кримтөбөл Азиз Батукаевдин мыйзамсыз бошотулушуна, акча адалдаган "Ака инвест" сыяктуу бир нече компанияга тиешеси бардыгы, Бишкек ТЭЦин реконструкциялоодогу коррупциялык иштер жана ТЭЦке көмүр ташыган компаниянын кызыкчылыгын коргоо маселеси.

Тема:
Мурдагы президент Алмазбек Атамбаевдин Москвага сапары (19)

Тема боюнча

ИИМ Атамбаевди күч менен кармоо боюнча тараган билдирүүгө үн катты
Атамбаевдер аны "кармоого" каршылык көрсөтүүгө кантип даярданып жатышат. Сүрөт
Бишкекте суу менен аткан техникалардын турушу боюнча ИИМ түшүндүрмө берди. Видео
Белгилер:
Алмазбек Атамбаев, Кой-Таш, Чүй облусу, Бишкек, Кыргызстан

ЭҢ МААНИЛҮҮ