Абийири кеткен аттестат. Эми Кочкордо берилген документтен ката табылды

© SputnikАттестат о среднем общем образовании выпускника школы Кыргызстана
Аттестат о среднем общем образовании выпускника школы Кыргызстана - Sputnik Кыргызстан
Жазылуу
Ката менен басылган аттестаттар бүгүн алмаштырылат.

БИШКЕК, 3-июл. — Sputnik. Социалдык тармактарда Кочкор районунун орто мектебин аяктаган окуучу кыздын ката менен басылган аттестатынын сүрөтү жарыяланды.

Анда орус тилинде жазылган бетинде "окончила среднюю реднюю школу" деп турат.

Билдирүү менен ЖК депутаты Элвира Сурабалдиева да Twitter баракчасынан бөлүшүп, "Кудайбердиева күздө кызматынан кетет окшойт" деп жазган.

​Билим берүү жана илим министрлигинин маалымат кызматы Кочкор районунда берилген аттестаттардан ката кеткенин тастыктады.

"Басмаканага жөнөтүлгөн акыркы вариантта мындай ката жок болчу. Негизи жыл сайын эле басмакананын катасы менен чыккан документтер болот. Муну мектептин директорлору дыкат текшериши керек эле. Аттестаттарды толтуруп жаткандар да карашы керек болчу", — дешти министрликтен.

Алардын айтымында, "среднюю реднюю" деген ката 10 аттестаттан табылган. Бешөө алмаштырылды, калганын бүгүн алмаштырып берүүнү убадалашты.

Маалымат кызматынын билдиргенине караганда, аттестаттар дайыма тийиштүү көлөмдөн көбүрөөк басылат.

Кыргызстандагы Сабаттуу бол деп аталган жат жазуу акциясы - Sputnik Кыргызстан
22 ката! Мамлекеттик кызматкерлер жат жазуудан "1" алган. Сүрөттөр
"Адатта аттестатты толтургуча бала аты-жөнүн алмаштырып алат. Же кызыл менен бүтө турган окуучу билим деңгээлин жакшы көрсөтө албай калат. Ошондой учурда аттестатты алмаштырууга туура келет. Кээде катасы менен же начар басылып калган аттестаттар да жалпы документтердин партиясына кошулуп калышы мүмкүн", — деп айтылат билдирүүдө.

Бул аттестатта кеткен ката биринчи учур эмес. Буга чейин "жөнүндө" деген сөздөгү "н" тамгасы "ң" болуп өзгөрүп калган. "Он окончил школу" деп жазылып, кыз бала эркекке айланып кеткен учур да болгон.

Жаңылыктар түрмөгү
0