05:54 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Премьер-министр Мухаммедкалый Абылгазиев. Архивдик сүрөт

Депкомиссия: "КТ Мобайл" боюнча премьердин моралдык жоопкерчилиги каралсын

© Фото / пресс-служба Жогорку Кенеша
Коом
Кыскача шилтеме алуу
24810

Депутаттык комиссия өз корутундусун чыгарды.

БИШКЕК, 26-июн. — Sputnik. "КТ Мобайл" ишканасынын айланасындагы чырдуу талашты териштирген убактылуу депутаттык комиссия өз корутундусун чыгарып, премьер-министр Мухаммедкалый Абылгазиевдин моралдык жоопкерчилигин кароо керектигин белгиледи.

Комиссиянын төрагасы Курманкул Зулушев териштирүү боюнча баяндама жасап, "КТ Мобайл" компаниясындагы мыйзамсыз иштерге токтолду. Ага ылайык, депутаттык комиссиянын корутундусу төмөндөгүдөй:

- "КТ Мобайл" ЖЧКны жана Альфа Телеком ЖАКтын ортосундагы түзүлгөн келишиминин негизинде виртуалдык оператор түзүү чечими туура болгон деп белгиленсин;

- "КТ Мобайл" ЖЧКнын ишмердиги боюнча КР өкмөтүнүн аппаратынын, КР Маалыматтык технологиялар жана байланыш мамлекеттик комитетинин, Мамлекеттик мүлктү башкаруу боюнча фондусунун, "Кыргызтелеком" ААКтын, "Альфа телеком" ЖАКтын ишмердигине Иманкадыр Рысалиевдин тикелей кийлигишкендиги аныкталгандыктан премьер-министр Абылгазиевдин моралдык жоопкерчилиги каралсын.

Андан сырткары, депутаттык комиссия Абылгазиевге бир нече сунуштарды берип, Мамлекеттик мүлктү башкаруу фондусунун төрагасы Ренат Түлөбердиевдин, Маалыматтык технологиялар жана байланыш агенттигинин директору Нурлан Смановдун жоопкерчилигин кароо керектигин белгилеген.

Ошондой эле Башкы прокуратурага да бир катар сунуштар берилип, Эсеп палатасынын аудиторлорунун "КТ Мобайлдын" каржы-чарбалык ишин талдоо боюнча маалым катында көрсөтүлгөн мыйзам бузууларга укуктук баа берүү сунушталган.

Жыйынтыгында депутаттык комиссиянын токтомун 91 депутат колдоду.

Эске салсак, буга чейин "КТ Мобайл" мамлекеттик ишканасынын жетекчилиги иштебей жатып көп маяна алганы, директордун орун басары премьер-министрдин бажасынын баласы экени ачыкталган. Компаниянын айланасындагы чырдан улам жетекчилиги кызматтан кетүүгө аргасыз болгон.  
Аталган компаниядагы иштерди иликтөө боюнча депутаттык комиссия да түзүлгөн болчу.

Тема боюнча

Маяна чуусунан кийин "КТ Мобайл" жетекчилиги отставкага кетти
"КТ Мобайл" ишканасынын маселесин жабык эшик артында кароо сунушталды
"КТ Мобайлды" ким калкалап жүргөн? MegaCom башчысы Жамангулов агынан жарылды
Белгилер:
комиссия, Жогорку Кеңеш, "КТ Мобайл" ЖЧКсы

ЭҢ МААНИЛҮҮ