21:52 21 Бугу 2019
Түз эфир
  • USD69.8500
  • EUR77.8618
  • RUB1.0823
Жолбон ит. Архивдик сүрөт

Кыргызстанда бир жылда 25 миңге чейин жолбун ит атылат

© Sputnik / Табылды Кадырбеков
Коом
Кыскача шилтеме алуу
35 0 0

Учурда ветеринардык инспекциянын базасында 411 миң ит каттоого алынган.

БИШКЕК, 8-май — Sputnik. Кыргызстанда жылына 22-25 миңдей жолбун ит атылып жок кылынат. Бул тууралуу Ветеринардык жана фитосанитардык коопсуздук боюнча мамлекеттик инспекциянын директору Калысбек Жумаканов Жогорку Кеңештин жыйынында билдирди.

Депутат Бакирдин Субанбеков учурда жолбун ит, мышыктар көбөйүп жатканын айтты.

"Жолбун иттер менен мышыктар көбөйүп кетти, эмне үчүн ошолорго чара көрбөйсүңөр? Алар ар кандай жугуштуу ооруларды алып келип жатпайбы", — деп эл өкүлү суроо салды.

Өз кезегинде Жумаканов ээси жок иттер менен күрөшүү кыйын болуп жатканын, аларды аткан менен коом арасында ар кандай ойлор айтылып, "ветеринарлар жаныбарларды жок кылбай, аларды сакташы керек" деген пикирлер бар экенин белгиледи.

"Иттердин ээлери болгону дарыгерлерге да жакшы. Каттоого алынган итти барып дарылаганга да жеңил. Ал эми көчөдөгү итке бара албай жатабыз. Жакында "Жаныбарларды коргоо жөнүндө" мыйзам долбоорун алып келебиз. Ал жерде жолбун иттерди кимдер тескей турганы жазылган", — деди ал.

Жумаканов ошондой эле азыр 411 миң ит каттоого алынганын кошумчалады.

Тема боюнча

Мексикада 11 ит аялды талап өлтүрдү. Куугундун видеосу
Зордукчунун бетин ит жеп кетти. Ысык-Көлдөгү үрөй учурган окуя
Белгилер:
каттоо, ветеринария, ит

ЭҢ МААНИЛҮҮ