18:48 13 Жетинин айы 2019
Түз эфир
  • USD69.8500
  • EUR76.8979
  • RUB1.0880
Айыл чарба министри Нурбек Мурашев. Архив

Айыл чарба министри картошканы сатуу үчүн Өзбекстанга сүйлөшүүгө кетти

© Пресс-служба правительства / Сабыр Аильчиев
Коом
Кыскача шилтеме алуу
627 0 0

Министрликтин маалыматы боюнча учурда Кыргызстанда 71 миң тоннага жакын картошка калды.

БИШКЕК, 13-фев. — Sputnik. Айыл чарба, тамак-аш өнөр жайы жана мелиорация министри Нурбек Мурашев картошканы Өзбекстанга сатып өткөрүү үчүн сүйлөшүү жүргүзүүгө кетти. Бул тууралуу министрдин орун басары Жаныбек Керималиев Жогорку Кеңештин жалпы жыйынында билдирди.

Керималиев ошондой эле министрликтин маалыматы боюнча учурда Кыргызстанда 71 миң тоннага жакын картошка калганын кошумчалады.

"Ошону жаз бүткөнчө өткөрүп бергенге аракет кылабыз", — деди ал.

Министрдин орун басары учурда аймактарда түшүндүрүү жана окутуу иштери жүрүп, дыйкандарга кайсы өсүмдүктү себүү керектиги айтылып жатканын айтты.

Белгилей кетсек, буга чейин дыйкандар картошканын баасы бир топ эле арзандап кеткенин айтып, нааразычылыктарын билдиришкен. Айыл чарба министрлиги буга чейин да коңшу Өзбекстанга картошка сатылат деп элди ишендиргени менен андан майнап чыккан эмес. Учурда айрым жерлерде картошканын баасы 4-5 сом болуп жатканын дыйкандар өздөрү билдиришүүдө.

Тема боюнча

Парламентте Айыл чарба министрлигин жоюу маселеси кайрадан көтөрүлдү
Элеттегилер 6 пайыздык насыяны кантип ала алат? Жол-жобосу
Белгилер:
сүйлөшүүлөр, соода, Картошка, Өзбекстан

ЭҢ МААНИЛҮҮ