11:48 24 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Бүгүн, 5-февралда, Бишкекте белгилүү балбан Кожомкул Каба уулунун музейи ачылды.

Чапанына эки киши батат! Кожомкул балбандын жаңы музейиндеги буюмдары. Сүрөт

© Sputnik / Табылды Кадырбеков
Коом
Кыскача шилтеме алуу
100720

Каба уулу Кожомкул 1889-жылы Суусамырдагы Кең-Суу кыштоосунда төрөлгөн.

БИШКЕК, 5-фев. — Sputnik. Бүгүн, 5-февралда, Бишкекте белгилүү балбан Кожомкул Каба уулунун музейи ачылды.

Иш-чара Кожомкул балбандын атын алып жүргөн Спорт сарайында өтүп, ага вице-премьер Алтынай Өмүрбекова, маданият, маалымат жана туризм министринин орун басары Кайрат Иманалиев жана ЖК депутаттары катышты.

Каба уулу Кожомкул атындагы эл аралык коомдук фондунун жетекчиси, балбандын чөбөрөсү Орозалы Жапар уулунун айтымында, музейдин аянты 60 чарчы метрди түзөт.

"Буга чейин атабыздын музейи Суусамырда бар болчу, эми борбор калаада ачылып жатат. Жаңы музейде чоң атамдын кийим-кечеси, үй-бүлөсүнө таандык идиш-аяктар жана фотоаппаратка тартылган архивдик сүрөттөр коюлат. Маданий жайдын аянты 60 чарчы метрди түзөт", — деди Жапар уулу.

  • Открытие музея кыргызскому силачу Кожомкулу Каба уулу в одноименном дворце спорта в Бишкеке
    Кожомкулдун музейинин ачылышы борбордогу Спорт сарайында өттү
    © Sputnik / Табылды Кадырбеков
  • Открытие музея кыргызскому силачу Кожомкулу Каба уулу в одноименном дворце спорта в Бишкеке
    Иш-чарага вице-премьер Алтынай Өмүрбекова, маданият, маалымат жана туризм министринин орун басары Кайрат Иманалиев жана ЖК депутаттары катышты
    © Sputnik / Табылды Кадырбеков
  • Люди на открытии музея кыргызскому силачу Кожомкулу Каба уулу в одноименном дворце спорта в Бишкеке
    Музейдин ичи менен Кожомкулдун чөбөрөсү Орозалы Жапар уулу тааныштырды
    © Sputnik / Табылды Кадырбеков
  • Мужчина рассматривает экспонаты открытии музея кыргызскому силачу Кожомкулу Каба уулу в одноименном дворце спорта в Бишкеке
    Маданий жайда балбандын үй-бүлөсү колдонгон буюм-тайымдар да бар
    © Sputnik / Табылды Кадырбеков
  • Люди рассматривают экспонаты на открытии музея кыргызскому силачу Кожомкулу Каба уулу в одноименном дворце спорта в Бишкеке
    Кожомкул Каба уулуна жаратылыш өтө зор күчтү, дене түзүлүштү тартуулаган. Сүрөттө Олимпиада чемпиону Каныбек Осмоналиев.
    © Sputnik / Табылды Кадырбеков
  • Люди рассматривают экспонаты на открытии музея кыргызскому силачу Кожомкулу Каба уулу в одноименном дворце спорта в Бишкеке
    Ошондой эле музейге балбандын архивдик сүрөттөрү коюлду
    © Sputnik / Табылды Кадырбеков
  • Следы ноги кыргызского силача Кожомкула Каба уулу в музее во дворце спорта в Бишкеке
    Кожомкулдун бой-салмагы тууралуу болжолдуу гана маалыматтар айтылып келет
    © Sputnik / Табылды Кадырбеков
  • Мужчина примеряет верхнюю одежду кыргызского силача Кожомкула Каба уулу у музее во дворце спорта в Бишкеке
    Бул Кожомкул балбан кийген чапан
    © Sputnik / Табылды Кадырбеков
  • Мужчина примеряет верхнюю одежду кыргызского силача Кожомкула Каба уулу у музее во дворце спорта в Бишкеке
    Иш-чаранын ачылышына келгендердин бири чапанды кийип да көрдү...
    © Sputnik / Табылды Кадырбеков
  • Мужчина с беркутом на открытии музея кыргызскому силачу Кожомкулу Каба уулу в одноименном дворце спорта в Бишкеке
    Чөбөрөсү Орозалы Жапар уулу Каба уулу Кожомкул атындагы эл аралык коомдук фондун жетектейт
    © Sputnik / Табылды Кадырбеков
1 / 10
© Sputnik / Табылды Кадырбеков
Кожомкулдун музейинин ачылышы борбордогу Спорт сарайында өттү

Каба уулу Кожомкул 1889-жылы Суусамырдагы Кең-Суу кыштоосунда төрөлгөн.

Чөбөрөсү Орозалы Жапар уулунун айтымында, Кожомкулдун бой-салмагы тууралуу так маалымат жок. Иликтөөчүлөрдүн болжолдуу маалыматы боюнча бою — 225, 236, 217 сантиметр, салмагы — 208, 164, 147 килограмм болгондугу айтылат.

Кыргызский силач, баатыр Каба уулу Кожомкул
© ФОТО / ЦЕНТРАЛЬНЫЙ ГОСУДАРСТВЕННЫЙ АРХИВ КИНОФОТОФОНОДОКУМЕНТОВ КР
Кожомкулдун балбандыгы бала чагында эле байкалган. 15 жашында күрөшкө чыгып, 45 жаштагы дасыккан балбанды жыккан. Ал убагында менмендеген балбандар менен күч сынашып, далайын жер караткан.

Ошондой эле күчкө толуп турган убагында салмагы 400 килограмм өгүздү жаракадан сууруп алгандыгы, Чүйдөн Суусамырга бара жаткан жолдо аты баспай калып, аны Төө-Ашуудан көтөрүп өткөндүгү айтылат.

Кожомкулдун көтөргөн, жылдырган, кулаткан таштары Суусамыр, Байрак, Жоо-Жүрөк, Кең-Суу жайлоолорунда, Кетмен-Төбө өрөөндөрүндө бар.

Атактуу балбан спортту гана аркалабастан, коомдук иштер менен да алектенген. Суусамыр кедейлер комитетинин төрагасы (1921-1929), Кара-Балта райондук жер бөлүмүнүн башчысы (1930), Суусамыр, Кайырма, Көкөмерен айылдык кеңешинин аткаруу комитеттеринде төрагалык кызматтарда иштеген. 1955-жылы 67 жаш курагында дүйнө салган.

Кожомкул Аймончок деген кызга үйлөнүп, экөөнүн ортосунда Алымбек, Турумбек, Амантай, Муктар аттуу уулдары жана Нуржамал деген кызы болгон.

Тема боюнча

Мамлекеттик тапшырык менен Кожомкул балбан тууралуу кино тартылат
Белгилер:
Сүрөт, балбан, музей, Каба уулу Кожомкул

ЭҢ МААНИЛҮҮ