17:34 17 Аяк оона 2019
Түз эфир
  • USD69.7942
  • EUR76.9027
  • RUB1.0885
Рабочий визит премьер-министра Узбекистана Абдуллы Арипова в КР

"Ак-Таш" пункту ачылып, Барак эксклавынан Ошко жетүү жеңилдеди

© Пресс-служба правительства / Сабыр Аильчиев
Коом
Кыскача шилтеме алуу
120 0 0

Мамлекеттик чек арада турган өткөрүү жайы кыргыз айылы болгон Барактын тургундарын 2013-жылдан тарта өткөрбөй калган.

БИШКЕК, 27-дек. — Sputnik. Кыргызстан менен Өзбекстандын чек арасындагы "Ак-Таш" өткөрүү жайы беш жылдык тыныгуудан соң ишин жандантканын кыргыз өкмөтү билдирди.

Эскерте кетсек, аталган бекет Ош облусунда жайгашкан.

Ишти жандантуу боюнча макулдашуу 18-декабрь күнү КР премьер-министри Мухаммедкалый Абылгазиев менен Өзбекстандын өкмөт башчысы Абдулла Ариповдун сүйлөшүүсүнүн натыйжасында кабыл алынган. Жолугушуу мамлекеттердин чектеш облустарынын жетекчилер кеңешинин экинчи жыйынынын алкагында жүргөн.

Чек ара текшерүүчү жай. Архивдик сүрөт
© Пресс-служба президента КР / Султан Досалиев
"Ак-Таш" өткөрүү пункту мамлекеттик чек арада жайгашып, Барак эксклавын Ош облусунун Кара-Суу району менен байланышытырып турат. Барактын тургундарын 2013-жылдан тарта өткөрбөй калган.

Ошол кезде жетишилген макулдашууга ылайык, 2013-жылдан 2015-жылга чейин аталган айылга азык-түлүк, дары-дармек, күйүүчү май, урук, жер семирткич жеткирилип турган.

Белгилей кетсек, буга чейин Барактын жашоочулары Кыргызстандын негизги аймагына кирүү үчүн 150 чакырым басып "Кызыл-Кыя" пунктунан өтүүсү керек болчу. Ошко чейин 300 чакырым аралык экени айтылат. Ал эми "Ак-Таш" аркылуу жол болгону бир чакырымдын тегерегин түзөт.

Көзөмөл өткөрүү жайы күн сайын саат 9дан 19.00гө чейин иштемекчи. Маалыматта эгерде адаттан тыш жагдай жаралса, бекет күнү-түнү иштөөгө даяр экендиги айтылат.

Тема боюнча

Кыргыз-кытай чек арасы Жаңы жылдан улам жабылат
Кыргыз-өзбек чек арасындагы талаштуу эки жер талкууланды
Белгилер:
чек ара, макулдашуу, Ак-Таш өткөрүү пункту, Өзбекстан, Кыргызстан

ЭҢ МААНИЛҮҮ