Жаңы жылда жарыксыз калбаңыз! "Түндүкэлектр" эскертүү берди

© Sputnik / Борис Кавашкин / Медиабанкка өтүүШам. Архив
Шам. Архив - Sputnik Кыргызстан
Жазылуу
Компания оңдоп-түзөө, алмаштыруу учурларда электр жарыгысыз калган колдонуучулардын түшүнүү менен жасаган мамилесине ыраазылык билдирген.

БИШКЕК, 27-дек. — Sputnik. "Түндүкэлектр" компаниясы Жаңы жылды тосуп жатып жарыксыз калбаш үчүн кыргызстандыктарды электр кубатына болгон карызын төлөөгө чакырды. Бул туурасында аталган ишкананын маалымат кызматынан кабарлашты.

Компания көзөмөлдөөнүн автоматташтырылган маалыматтык-ченөө системасы карыз болгон абонентти аралыктан туруп эле өчүрүп коерун эскертет.

"Жаңы жылда, тагыраагы, 2019-жылдын 1-7-январында электр жарыгысыз калбаш үчүн "Түндүкэлектр" ишканасы абоненттерди карызын өз убагында төлөөнү эскертет", — деп айтылат маалыматта.

Праздничные мероприятия и народные гуляния на площади Ала-Тоо - Sputnik Кыргызстан
Кыргызстандыктар жаңы жылда 7 күн эс алмай болду
Абонент электр жарыгы үчүн акчаны "Мобильник", QIWI, Quickpay жана UMAI капчыктары аркылуу, андан сырткары, "Айыл Банк", "Кыргызпочтасы" ишканасынын кассасынан төлөсө болот. Ал маалымат дароо "Түндүкэлектр" ишканасынын маалымат базасына келип түшөт.

"Эгерде электр жарыгы "акылдуу" эсептегич аркылуу же аралыктан туруп өчүрүлсө, ал кайра жалгаштыруу үчүн атайын акча төлөнгөндөн кийин, серверге маалымат түшкөндөн кийин гана күйөт", — деп айтылат маалыматта.

"Түндүкэлектр" оңдоп-түзөө, алмаштыруу, кырсык болгон учурларда электр жарыгысыз калган колдонуучулардын түшүнүү менен жасаган мамилесине ыраазылык билдирген.

Жаңылыктар түрмөгү
0