БИШКЕК, 19-дек. — Sputnik. Өкмөт Эмгек жана социалдык өнүктүрүү министрлигинин Жаңы жыл майрамында кыргызстандыктардын 7 күн эс алуу боюнча сунушун колдоого алды. Бул тууралуу өкмөттүн маалымат кызматынан кабарлашты.
Тийиштүү токтомго бүгүн, 24-декабрда, премьер-министр Мухаммедкалый Абылгазиев кол койду.
Анда жылдын жаңырышына карата 30-31-декабрь (2018-жыл) жана 1-2-январь (2019-жыл) майрамдык, иш күн болбой тургандыгы айтылган.
"2019-жылдагы эс алуу күндөрүн өзгөртүү боюнча" деп аталган министрликтин токтомунда 1, 2, 3, 4, 5, 6 жана 7-январда, андан сырткары, 9, 10, 11 жана 12-майда эс алуу сунушталган.
Эс алуу күнү 25-февраль (23-февраль майрам болгондуктан) 2-январдагы иш күнгө жылат;
8-апрель эс алуу күнү (7-апрель эс алуу күн болгондуктан) 3-январдагы иш күнгө өтөт;
2-сентябрь эс алуу күнү (31-август эс алуу күн болгондуктан) 4-январдагы иш күнгө жылат;
6-май эс алуу күнү (5-май күнү эс алуу болгондуктан) 10-майдагы иш күнгө жылат.
