18:39 19 Бештин айы 2018
Түз эфир
  • USD69.8381
  • EUR79.6224
  • RUB1.0406
Өспүрүм ырчы Акмарал Эркинбек кызы. Архивдик сүрөт

Акмарал оору эмес, элден акча чогулткан жокпуз! Ырчы кыздын эжесинин билдирүүсү

© Sputnik / Табылды Кадырбеков
Коом
Кыскача шилтеме алуу
2765 0 0

Кыздын эжеси тартип коргоо органдарына кайрылып, арыз жаза тургандыктарын айтты.

БИШКЕК, 3-дек. — Sputnik. Өспүрүм ырчы Акмарал Эркинбек кызынын ырдаган видеосу кошо тиркелип, боору ооруп жатат деп социалдык тармакта акчалай жардам сураган маалымат жалган. Бул туурасында Акмаралдын эжеси Үмүт Муңайтпасова Sputnik Кыргызстан маалымат агенттигине билдирди.

Социалдык тармакта, тагыраагы, WatshApp каналына кызга жардам керек деген аудио жазылып, ага Акмарал Эркинбек кызынын комуз менен ырдап жаткан видеосу тиркелген.

"Боору ооруп, 35 миң доллар сурап жатат. Булардын ата-энесинин жогуна байланыштуу… Бул кызга жардам берип, сооп табалы", — деген маанайдагы аудио тараган.

Акмарал Эркинбек кызынын бир тууган эжеси бул маалыматты таптакыр жокко чыгарды.

"Бул видео менен аудио билдирүү боюнча кечээ тааныштар сураган эле. Бүгүн Watshapp аркылуу келиптир. Биринчи укканда өзүм да чочуп кеттим. Анда сиңдимдин атын Акмарал эмес, Аделина деп алмаштырып алышыптыр. Сиңдим аман-эсен, кечинде эле телефон менен сүйлөштүм. Жалган маалымат тараткандарды табуу үчүн тийиштүү укук коргоо органдарына арыз менен кайрылалы деп жатабыз", — деди эжеси Муңайтпасова.

Акмарал Эркинбек кызы 14 жашта. Учурда Нарын шаарындагы Жумамүдүн Шералиев атындагы балдардын музыкалык мектебинде билим алат. Эл арасында жаңы чыгып келе жаткан жаш ырчы катары таанымал.

Тема боюнча

Өлгөн тууганынын мүлкүнө ээ болом деген киши 8 миң евросун алдатып ийди
Италия: каалоочулардын колу-бутун сындырып акча тапкандар кармалды
Белгилер:
комузчу, Жумамүдүн Шералиев, Акмарал Эркинбек кызы, Нарын
Колдонуу эрежелериПикирлер

ЭҢ МААНИЛҮҮ