13:47 17 Кулжа 2019
Түз эфир
  • USD69.8500
  • EUR78.7838
  • RUB1.0841
Автобустар. Архив

Парламентте бензин менен жүргөн автобус алууга мораторий киргизүү сунушталды

© Sputnik / Табылды Кадырбеков
Коом
Кыскача шилтеме алуу
9910

Жогорку Кеңештин депутаты алты айдын ичинде шаардагы бардык автобустарды газга өткөрүү керектигин айтты.

БИШКЕК, 22-ноя. — Sputnik. Жогорку Кеңештин депутаты Марлен Маматалиев мындан ары Кыргызстанга бензин жана дизель менен жүргөн автобустарды сатып алууга мораторий киргизүүнү парламенттин жалпы жыйынында билдирди.

Эл өкүлү акыркы учурда Бишкектин үстүн каптап турган кара түтүн маселесин ЖМКлар көтөрүп, бул көйгөй премьерге чейин жетип, ал киши бир топ иш-чараларды тапшырма катары бергенин айтты.

Депутат түзүлгөн кырдаалдан чыгуу үчүн өзүнүн бир-эки сунушун билдирди.

"Парламентте буга чейин коомдук транспорт маселеси боюнча көйгөйлөрдү көтөрүп жүрчү элем. Өзгөчө электр кыймылдаткычтуу автобустарды алуу боюнча. Эми азыр кординалдык бир-эки сунуш киргизейин дедим эле. Мындан ары Кыргызстанга бензин, дизель менен жүрө турган автобустарды албай, аларга мораторий киргизсек. Экинчиден, алты айдын ичинде Бишкектеги бардык автобустарды газга өткөрсөк", — деди депутат.

Эл өкүлү ошондой эле маршруткаларды дагы газга өткөрүү керектигин айтып, эгер кимде-ким транспортун газга өткөрөм десе, аларга жеңилдик берүү керектигин белгиледи.

"Маршруткалар боюнча 2019-жылдын майынын тарта каттамга кирип иштейм деген жаңы маршруткаларга тыюу салып, аларды электр кыймылдаткычка же газга өткөрсөк. Ал эми азыр иштеп жаткан маршруткаларга да убакыт берип жеңилдик берсек. Мисалы, газга өтө турган болушса, салыктан бошотуп же башка жеңилдиктерди карасак", — деди Маматалиев.

Депутат андан сырктары, жаңы конуштарга газ алып баруу керектигин айтып, жер тамда жашагандарга энергияны көп талап кылбай турган газ же электр энергиясы менен иштеген мештерди орнотуу керектигин белгиледи.

"Жаңы конуштарга газды алып барсак. Бирок үйдү газ менен жылытуу өтө кымбат болот, айрым учурларда 20-25 миң сомго чейин чыгып кетет. Бул жерде жөн эле газ жеткирип койбостон жаңы энергоэффективдүү, газ, электр менен иштей турчу мештерди орнотолу. Бир катар дүйнөлүк уюмдар мындай нерселерди колдойт", — деди парламентарий.

Маматалиев мончолорду милдеттүү түрдө газга же электр энергиясын жаккан мештерге өткөрсө жакшы болмоктугун кошумчалады.

Тема боюнча

Бишкек кара түтүндөн улам таанылбай калганда. Видео
Белгилер:
мораторий, түтүн, меш, газ, автобус, Марлен Маматалиев

ЭҢ МААНИЛҮҮ