05:16 23 Баш оона 2019
Түз эфир
  • USD69.7961
  • EUR77.4597
  • RUB1.0636
Инспекциянын маалымат катчысы Анара Мамбеталиева коррупцияга каршы митинг откөрдү

Мамэкотехинспекция коррупцияга каршы чыккан кызматкерин иштен айдадыбы?

© Фото / предоставлено Анарой Мамбеталиевой
Коом
Кыскача шилтеме алуу
128860

Инспекциянын маалымат катчысы Анара Мамбеталиева коррупцияга каршы күрөшөм деп карьерасына балта чаап алганын айтууда.

БИШКЕК, 22-авг. – Sputnik. Экологиялык-техникалык коопсуздук боюнча мамлекеттик инспекциясынын маалымат катчысы Анара Мамбеталиева өзүнүн Facebook социалдык тармагындагы баракчасына аталган инспекция коррупциянын сазына батып бара жатканын жазып чыкты. 

Ал инспекциядан чындыкты издеп жатып карьерасына балта чаап алганын белгилеген. 

“Ич ара коррупционерлер менен алышып отуруп акыры мамлекеттик кызматка кайтып келбей турган берене менен иштен алындым. Инспекция коррупциянын сазына чөгүп бара жатат, карап туруп андайга жол бере албадым. Чындыкты издейм деп карьерама да балта чаптым. Эми жаратылышты, коопсуздукту кантип коргойм?” — деп Мамбеталиева жазган.

Окуянын чоо-жайын билүү үчүн Sputnik Кыргызстан агенттигинин кабарчысы Мамбеталиеванын өзү менен байланышканда, ал инспекциядагы айрым адамдардын арты таза эместигин айтып өттү. 

“Алгач мен коррупциясыз, таза иштөөгө чакырыктарды жасап баштаганымда “иштен алынып каласың” деп эскертүү беришкен. Бирок ага карабай жетекчиликтин кабылдамасына плакат көтөрүп чыкканымда мамлекеттик кызматка кайтпай турган берене менен иштен айдашты. Балдарымды жалгыз тарбиялаган эне экенимди да эске алышкан жок”, — деди Мамбеталиева. 

Ал ошондой эле инспекциядагы коррупциялык иштерге далилдери бар экенин, бирок өзүнүн жана балдарынын коопсуздугу үчүн чочулап жатканын белгиледи. 

“Ачыгын айтканда мыйзамды иштете турган жерде иштетип, иштетпей турган жерде көз жумулуп калган учурлар бар. Кайсы объектилердин артында кимдер турганы боюнча далилдерим бар. Бирок укук коргоо органдары менин коопсуздугумду камсыздап бергенде гана далилдерди ачыктап бере алам”, — деди Мамбеталиева.

Ал ошондой эле президент Сооронбай Жээнбеков элди коррупционерлердин атын атоого чакырганын укканда ишеним пайда болуп, ачык күрөшө баштаганын кошумчалады. 

Өкмөттүн маалымат кызматынын жетекчиси Чыңгыз Эсенгулов Мамбеталиеванын билдирүүсүн социалдык тармактан көргөнүн, бирок анын өзү менен байланыша албай жатканын Sputnik агенттигине билдирди. Ал окуя тууралуу толук маалыматы жок болгондуктан комментарий бере албастыгын белгиледи. 

Алдын ала маалыматтар боюнча, Мамэкотехинспекциянын жетекчиси учурда Москвада коммандировкада жүрөт. Ал эми УКМКнын маалымат кызматы менен байланышууга мүмкүн болгон жок. 

Sputnik Кыргызстан окуяга мындан ары да көз салып турмакчы. 

Тема боюнча

Жээнбековго жол коопсуздугун реформалоо жолу сунушталат. Эксперттердин тизмеси
Белгилер:
жумуш, коррупция, Мамлекеттик экология-техникалык инспекциясы, Сооронбай Жээнбеков, Кыргызстан

ЭҢ МААНИЛҮҮ