02:57 01 Кулжа 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Темир Жумакадыров каза болгон жол кырсыгы (33)
772142

Сүйүналиева тезинен жолдордун коопсуздугун камсыздоо боюнча реформа жүргүзүү керек экендигин айткан

БИШКЕК, 30-дек. — Sputnik. Октябрь айында жол кырсыгынан каза болгон вице-премьер Темир Жумакадыровдун келинчеги Нора Сүйүналиева бийликке жана коомчулукка ачык кайрылуу жасады.

Эске салсак, вице-премьер Темир Жумакадыров 2017-жылдын 7-октябрында Москва районунун Садовое айылында кетип бараткан Toyota Land Cruiser үлгүсүндөгү жолтандабас КамАЗ менен кагышкан. Жумакадыров жол кырсыгы болгон жерден каза болгон. Аны менен чогуу жардамчысы жана айдоочу дагы мерт кеткен. Ал эми КамАЗ автоунаасынын жүргүнчүсү жаракат алган.

Аталган кайрылууну Сүйүналиева өзү жазганын Sputnik Кыргызстан агенттигине бул үй-бүлөнүн досу, КТРК телеканалынын жетекчиси Илим Карыпбеков тастыктады.

"Жашоо татаал экен. Бул дүйнө менен бир убакта үч күчтүү, Ата Мекенин өзгөчө жакшы көргөн патриот Темир, Нурлан, Нурбек аттуу мырзалар кош айтышты. Тагдыр экен, Коопсуздук Кеңештин "Кыргызстандагы жол кыймылынын коопсуздугун камсыздоо боюнча" чечимин ишке ашырууга менин жолдошум, досум, сүйүүм Темир Жумакадыров жооптуу эле, бирок өзү жол кырсыгынан каза болуп калды", — деп жазган Сүйүналиева.

Вице-премьер-министр КР Темир Джумакадыров с женой Норой Суюналиевой
© Фото / предоставлено Норой Суюналиевой
Жубайлардын жаңы баш кошкон учуру
Ал Жумакадыров жетекчи болуп турганда жол кырсыгын жоюуга бир катар иш-аракеттер көрүлө баштаганын эскерген. Ошондой эле үч адамдын өлүмүнөн беш бала жетим калганын айтып, эми балдарына "атам кайда, эмнеден каза болду эле", "атам менин майрамдык иш-чарамды көрбөй калганы кандай өкүнүчтүү", "атам жаныңда болом деп сөз бербеди беле" деген суроолорго жооп берүү коркунучтуу болуп калганын айтып кейиген.

"Үч жесир кара жоолук жамынып, коргоочусун, сүйүктүүсүн жоготуп отуруп калды. Жеке менин жашоом каргашага чейин жана каргашадан кийин болуп экиге бөлүндү. Үч ата, үч эне өмүрү өткөнчө балдарын жоктоп жүрөт. Бул дүйнөдө кайсы элде болбосун ата-эне үчүн баласын жоготкондон өткөн азап жок", — деп өксүгөн Сүйүналиева.

Жумакадыровдун келинчеги бир гана анын жолдошу кабылган жол кырсыктын эмес, башка да жол кырсыгына себепкер, күнөөкөр болгондор тийиштүү жазасын алыш керек деп кошумчалап, ага бийлик жакшылап көңүл бурушу керектигин баса белгилеген.

Тема:
Темир Жумакадыров каза болгон жол кырсыгы (33)

Тема боюнча

Кыргызстанда жол кырсыгы 11 айда 820 кишинин өмүрүн алып кетти
Белгилер:
жубайлар, кайрылуу, Темир Жумакадыров, Кыргызстан

ЭҢ МААНИЛҮҮ