БИШКЕК, 3-дек. — Sputnik. Бишкек шаарынын Октябрь райондук ИИБдин кызматкерлери бөбөктү көчөдөн ичке тепкен факты боюнча кылмыш ишин козгоду.
Белгилей кетсек, 2-декабрда Социалдык тармактарда кызыл күрмө кийген киши бөбөктү ичке тепкен видеосу тарап кеткен. Ал Бишкек шаарындагы "Улан-2" кичи районунда тартылганы айтылган. Милиция кызматкерлери шектүүнү ошол эле күнү кечинде кармаган.
"2-декабрда Октябрь РИИБдин кызматкерлери видеого түшүп калган кишини аныктап, милиция бөлүмүнө алып келишти. Ал 1967-жылы туулган Бишкек шаарынын тургуну болуп чыкты", — деп айтылат маалыматта.
Милициядан маалымдашкандай, кармалган шектүү таяк жеген бөбөктүн атасы болуп чыккан. Учурда аталган факты боюнча Кылмыш жаза кодексинин "Бейбашчылык" беренеси боюнча кылмыш иши козголду.
