БИШКЕК, 15-Ноя. — Sputnik. Freedom House уюму тарабынан жыл сайын белгиленчү "Интернеттеги эркиндик" рейтингинде Кыргызстан 22-орунду ээледи. Бул тууралуу уюмдун сайты маалымдады.
Тизмеге жалпысынан 65 өлкө кирген. Рейтинг интернетке кирүүнү чектөө жана колдонуучулардын укугун бузуу сыяктуу бир нече критерийлердин негизинде түзүлгөн. Кыргызстан Түштүк Корея (21-орун) жана Тунистин (23-орун) ортосунда жайгашып, өлкөнүн деңгээли "жарым-жартылай эркин" деп бааланды.
КМШ өлкөлөрүнөн Кыргызстан Грузия (8) жана Армениядан (17) гана артта калды. Казакстан 45-орунда болсо, Өзбекстан 60-орунга жайгашты. Тажикстан тизмеде жок. Акыркы орунду Кытай ээледи.
