Кургак учукту толугу менен айыктырган дарыгерлерге кошумча акча төлөнөт

© AFP / CRIS BOURONCLEДарыгер. Архив
Дарыгер. Архив - Sputnik Кыргызстан
Жазылуу
Айлыкка кошула турган акчанын көлөмүн оорунун формасына жараша Милдеттүү медициналык камсыздоо фондусу аныктайт

БИШКЕК, 3-ноя. — Sputnik. Кыргызстанда алгачкы жолу кургак учукка кабылган адамды толугу менен дарылаган дарыгердин айлыгына кошумча болорун Саламаттык сактоо министрлигинин маалымат кызматынан билдиришти.

Кыргызстандын дин өкүлдөрү кургак учук менен күрөшүү аракеттерине катыша турганын Саламаттык сактоо министрлигинин маалымат кызматы билдирди - Sputnik Кыргызстан
Кыргызстандын дин өкүлдөрү кургак учукка каршы күрөшүүгө жардам берет
Мындай өзгөрүүлөрдү КР өкмөтүнө караштуу Милдеттүү медициналык камсыздоо фондусу медиктерди шыктандыруу максатында 1-ноябрдан тарта киргизүүнү пландап жатат.

Маалыматка ылайык, бул аракет 2017-2026-жылдар аралыгында кургак учукка каршы күрөшүү программасынын алкагында ишке ашканы турат.

Айлыкка кошула турган акчанын көлөмүн оорунун формасына жараша Милдеттүү медициналык камсыздоо фондусу аныктайт.

"Жаңы жуктуруп алган кургак учукту дарылоого 12 миң сом, туруктуу болуп калган илдетти жеңгендерге 24 миң сом каралган. Мындай кошумча айлыкты диагноз коюлгандан тарта толугу менен сакайганга чейин оорулууга жардам берген медайымдар, ФАП кызматкерлери жана үй-бүлөлүк дарыгерлер алат", — деп айтылат билдирүүдө.

Жогорудагы сумма медициналык кызматкерлерге мындайча бөлүнөт: оорукана жетекчилиги – 1 пайыз, орун басарлар – 1 пайыз, райондук фтизиатр – 5 пайыз, кургак учукка каршы кабинеттин медайымы – 5 пайыз, Үй-бүлөлүк дарыгерлер тобунун клиникалык жетекчиси – 3 пайыз, үй-бүлөлүк дарыгер – 10 пайыз, үй-бүлөлүк медайым же ФАП фельдшери – 75 пайызы каралган.

Жаңылыктар түрмөгү
0