БИШКЕК, 30-окт. — Sputnik. КР акыйкатчысы Кубат Оторбаев кызматтык жол тандабастан баш тартты. Бул тууралуу Sputnik Кыргызстан агенттигинин кабарчысына акыйкатчынын маалымат катчысы Абсамат Талантбек уулу билдирди.
Анын айтымында, Кубат Оторбаев тийиштүү катты финансы министри Адылбек Касымалиевге жолдогон.
"Акыйкатчы кызматтык унаа алуу үчүн бөлүнгөн 1 миллион 577 миң 100 сомду муктаж балдардын жатак үйлөрүнүн кем-карчын толуктоого которуу тапшырмасын берди", — деди Талантбек уулу.
Эске салсак, буга чейин Акыйкатчы аппараты 1,5 миллион сомдук жол тандабас сатып алуу үчүн тендер жарыялаган. Социалдык тармактын колдонуучулары унаа өтө кымбат баада экенин айтып, акыйкатчы сынга кабылган. Ал бул боюнча түшүндүрмө дагы берген.
