БИШКЕК, 30-окт. — Sputnik. Ишембиде актриса Рахат Божокоева турмуш жолуна аттанды. Жеңишбек акын чек арада түзүлгөн кырдаалга байланыштуу Казакстандын президентине кайрылуу жасады. Бул учурлар социалдык тармакта кызуу талкууга алынып жатты.
Sputnik Кыргызстан агенттиги артта калган аптада социалдык тармактардагы кызыктуу сүрөт, видеолор топтомун сунуштайт.
1. Намыстанган бийчилер. ТНТ телеканалынын бий сынагына катышып жаткан кыргызстандык эгиз бийчилер Ома жана Эмир Асанбековор кыздардын стилинде бийлөөдөн арданып сынактан кетип калышты. Аларга тандоо турунда Vogue стилинде бийлөө шарты коюлган. Мындан командадагы бийчи балдар да баш тарткан. Кыргызстандык жигиттердин "окуясы" 16-мүнөттөн башталат.
2. Короз бий. Андан көрө эгиздерге ушундай стилде бийлеп бер десе макул болушмак беле… Эгер булар бий сынагына барса баш байгени эч кимге бербесе керек.
3. Москвада өтүп жаткан "Ты супер! Танцы" шоусуна катышкан кыргызстандык Айдана Шатемирова кийинки турга өтпөй калды. Ал сынакта япон стилинде бийлеп чыккан.
4. 20 секунддук мушташ. Ишемби күнү Бишкекте өткөн турнирдин башкы беттеши "Азия аюусу" каймана аты менен белгилүү болгон өзбекстандык Мурод Хантураев менен украиналык Игорь Зарнадскийдин ортосунда болду. Кызыгы, Хантураев украиналык атаандашын 20 секундда кулатты.
5. Чемпион болуш үчүн эмне кылуу керек. Тамашоу лигасына быйыл 10 жыл болду. Бул аралыкта чемпиондукту багындырган командалар кантип башкы кубокту багындырууну үйрөтүштү.
6. Жеңишбек акын Назарбаевге кайрылуу жасады.
…Өзөндө суубуз бир эле,
Өзгөчө катуу кетпеңиз,
Өзөккө ууну сеппеңиз,
Ач калса багып алышкан,
Айрыкча кыргыз даанышман,
Ошол тарыхты эстеңиз.
Ушундай ыр саптары менен төкмө акын Жеңишбек Жумакадыр Казакстан президенти Нурсултан Назарбаевге кайрылуу жасады.
7. Кара жорго өзбекче жаңырганда. Өзбек туугандар кара жорго ырын керней-сурнайлар менен жаңыртты. Бул видео айылдагы тойлордун биринде тартылган.
8. Жума күнү актриса, алып баруучу Рахат Божокоева турмуш жолуна аттанды. Чырайлуу кыздын сүйүктүүсүнүн колун кармап кеткени далай жигиттердин жүрөгүн ооруткандай болду.
9. Дагы бир сулуу жарын тапты. Рахат сулууга улай эле "Кыз бурак" тобунун аткаруучу директору, ырчы Сайкал Садыбакасова болочок кайненесинин колунан сөйкө тагынды. Ырчы ЭлТР телеканалынын журналистине турмушка чыгуу алдында турат.
