10:00 18 Тогуздун айы 2018
Түз эфир
  • USD69.3000
  • EUR80.1489
  • RUB1.0596
Шаар тургунунун арызынан жана премьер-министрдин тапшырмасынан кийин Дөлөн Өмүрзаков атындагы стадиондун аймагы жарыктандырылып, кирүү үчүн алынган акы токтотулду

Стадиондун аймагы караңгы экенин айткан шаар тургунуна премьер жооп кылды

© Фото / пресс-служба ГАМФКиС
Коом
Кыскача шилтеме алуу
147611

Калаа жашоочусу өлкөнүн башкы спорттук аренасынын абалы начар экенин социалдык тармактарга бир нече жолу жазган

БИШКЕК, 4-окт. — Sputnik. Шаар тургунунун арызынан жана премьер-министрдин тапшырмасынан кийин Дөлөн Өмүрзаков атындагы стадиондун аймагы жарыктандырылып, кирүү үчүн алынган акы токтотулду.

​Буга чейин шаар тургуну Ажар Алапаева стадиондун аймагында жарык жок экенин, ал чуркагандар үчүн ыңгайсыздык жаратып жатканын социалдык тармакка жазган. Анын айтымында, башкы спорт аренасынын аймагына кирип чуркоо үчүн айына 200 сом алынып келген.

Кийин ал өкмөт башчы Сапар Исаковго социалдык тармак аркылуу кайрылып, аталган маселеге көңүл бурууга чакырган.

Шаар тургунунун кайрылуусуна премьердин жардамчысы Бермет Турсункулова жооп берип, өкмөт башчы маселе менен таанышканын айтып, жакын арада көйгөй жоюларын айткан.

Премьер-министр Сапар Исаков бүгүн, 4-октябрда таң эрте эл аралык Манас аэропортун капысынан барып текшергенин өкмөттүн маалымат кызматы билдирди
© Пресс-служба правительства / Сабыр Аильчиев
Жаштар иши, дене тарбия жана спорт мамлекеттик агенттигинин маалымат кызматы Исаковдун тапшырмасы менен Дөлөн Өмүрзаков атындагы стадиондо чуркагандар жана кечинде келгендер үчүн жарык берилгенин билдирди.

Агенттиктин башчысы Канат Аманкулов шейшемби күнү өзү келип жарыктандыруу системасын карап кеткен. Ал ошондой эле кошумча жарык берүү тапшырмасын берген.

Аманкуловдун айтымында, эми эртең мененки саат 6:00дөн тарта 21:00гө чейин стадионго кирүү акысыз болот.

Агенттик эгер кандайдыр бир акча талап кылуулар болсо 0 (312) 32-45-12 номери аркылуу кайрылуу керектигин шаар тургундарына эскертет.

Тема боюнча

Арпачиев: алдыңкы спортчулар ай сайын 45 миңден стипендия алышат
Белгилер:
стадион, чуркоо, Сапар Исаков
Колдонуу эрежелериПикирлер

ЭҢ МААНИЛҮҮ