07:24 30 Чын Куран 2017
Түз эфир
Милиция Бишкектеги Sapat Center имаратын курчоого алды

Милиция Бишкектеги Sapat Center имаратын курчоого алды

© Sputnik / Табылды Кадырбеков
Коом
Кыскача шилтеме алуу
164 0 0

Алдын ала маалымат боюнча имарат соттун чечими менен улутташтырылат.

БИШКЕК, 21-апр. — Sputnik. Милиция Бишкектеги Sapat Center имаратын курчоого алганын ШИИБдин маалымат кызматы билдирди.

Алдын ала маалымат боюнча имарат соттун чечими менен улутташтырылат. Чагымчыл аракеттерге жол бербөө үчүн окуя болгон жерге тартип сакчылары тартылган.

Бишкектеги Биринчи Май райондук сотунан билдиришкендей учурда имараттагыларды чыгаруу иштери жүрүүдө. Соттон башка эч кандай маалымат беришкен эмес.

Аталган имарат Бишкек шаарынын мурдагы мэри жана Жогорку Кеңештин экс-депутаты Нариман Түлеевге таандык.

Ал 2012-жылы мэрлик кызматты аркалап турган учурунда коррупция боюнча шектелген. 2008-жылы Кытайдан жүргүнчү ташыган автобустарды сатып алууда жана 200 миллион сомдук муниципалдык облигацияларды чыгарууда мыйзамсыз аракеттерге барганы үчүн кылмыш иши козголгон. 2013-жылы Ленин райондук соту аны мүлкүн конфискациялоо менен 11 жылга эркинен ажыраткан. 2014-жылдын декабрь айында Бишкек шаардык соту мурунку инстанциянын чечимин күчүндө калтырган. Бир жылдан кийин Жогорку соттун коллегиясы да эки соттун өкүмүн туура деп тапкан.

Түлеев мамлекеттик казынага 60 миллион сом төлөп, 2016-жылы 7-майда эркиндикке чыккан.

Тема боюнча

Акыркы алты жылда "дүң" эткен соттук териштирүүлөр
Түлеев Нарымбаев эмне үчүн акча алып жаткан жеринен кармалбай калганын айтып берди
Белгилер:
имарат, милиция, Нариман Түлеев, Кыргызстан

ЭҢ МААНИЛҮҮ