БИШКЕК, 9-окт. — Sputnik. Sputnik Кыргызстан маалымат агенттиги жана радиосунун кызматкерлери жыл сайын өтүүчү "Мол булак. Күз деми — 2017" жарым марафонуна катышты. Ошондой эле агенттик иш-чаранын расмий өнөктөшү болду.
Күзгү марафонго тажрыйбалуу спортчулар жана 20 мамлекеттен келген жеңил атлетика сүйүүчүлөрү катышты. Алардын арасында мүмкүнчүлүгү чектелгендер дагы болду. Sputnik Кыргызстан агенттигинин командасы 5 жана 10 чакырымдык аралыкка чуркады. Натыйжада команданын бардык мүчөсү аталган дистанцияларды ийгиликтүү багындыра алышты.
"Коммуникациялык технологиялар өнүгүп, адамдар убактысынын көбүн кеңседе өткөрүп калгандыктан спорттун мааниси чоң. Sputnik агенттиги элди сергек жашоого үндөгөн иш-чараларды ар дайым колдоого даяр. Себеби ар бир адамдын ден соолугу мамлекеттин бекемдигине кепилдик боло алат", — деди Sputnik Кыргызстандын жетекчиси Елена Череменина.
Ал эми марафонго катышкан агенттиктин редактору Айида Батырбекова 10 чакырымга чуркоо өтө деле оор болбогонун билдирди.
Sputnik (sputniknews.com) – ондогон өлкөдө жайгашкан мультимедиалык маалымат хабдары бар маалымат агенттиги жана радиосу. Sputnik өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт. Sputnik агенттигинин жаңылык түрмөгү күнү-түнү англис, испан жана кытай тилдеринде жарык көрөт.
