21:28 05 Бештин айы 2020
Түз эфир
  • USD84.8000
  • EUR103.1253
  • RUB1.1420
Саясат
Кыскача шилтеме алуу
Жаңы Конституциянын долбоору жана референдум (48)
1318 0 0

Конституциянын жаңы редакциясын жазды делген 80 депутаттын арасында Өмүркулов дагы көрсөтүлгөн болчу.

БИШКЕК, 18-ноя. — Sputnik. Жогорку Кеңештин депутаты Иса Өмүркулов референдум өткөрүү сунушуна гана кол койгонун, ал эми жаңы Конституция долбоорун көрбөгөнүн билдирди.

Кечээ Жогорку Кеңештин сайтына 80 депутат Конституциянын жаңы редакциясын жазып, аны кабыл алуу үчүн референдум өткөрүүнү демилгелегени жарыяланган. Алардын арасында Өмүркулов дагы көрсөтүлгөн эле.

"Мен референдум өткөрүүгө гана кол койдум. Автор катары катышкан эмесмин. Конституция долбоорун көргөн да, окуган да жокмун. Албетте, эми долбоорду окуп чыгам", — деди Өмүркулов.

Ал эми "ким кол чогултуп жүрдү" деген суроого "ал маанилүү эмес" деп жооп берди.

Ошондой эле Өмүркулов Баш мыйзамды өзгөртүү долбоорунун негизги автору ким экенин да билбей турганын айтты.

Буга чейин эл өкүлү Эмил Токтошев дагы долбоордун автору болуп калганын социалдык тармактан билгенин айтса, Айгерим Бешимбаева демилгечи топко катышпаганын белгилеген.

Тема:
Жаңы Конституциянын долбоору жана референдум (48)

Тема боюнча

Депутат Токтошев: жаңы Конституцияга автор экенимди соцтармактан билдим
Дагы бир депутат жаңы Конституцияга автор эмес экенин билдирди
Белгилер:
демилгечил топ, депутат, Иса Өмүркулов, конституция

ЭҢ МААНИЛҮҮ