БИШКЕК, 18-ноя. — Sputnik. Жогорку Кеңештин депутаты Айгерим Бешимбаева жаңы сунушталган Конституция долбоорун жазууга катышпаганын билдирди. Бул тууралуу ал Sputnik Кыргызстан кабарчысынын суроосуна жооп берип жатып билдирди.
Эл өкүлү Баш мыйзамдын жаңыланган редакциясы кандай шартта жазылганы боюнча комментарий берүүдөн баш тартып, анын себебин демилгечи топко катышпаганы менен түшүндүрдү.
"Бул боюнча комментарий бергим келбей турат. Жаңы Конституция долбооруна мен демилгечи болгон эмесмин. Азыркы жазылган өзгөртүүлөргө каршымын, кол койгон да эмесмин", — деди Бешимбаева.
Белгилей кетсек, Конституциянын жаңы редакциясын жазган демилгечи 80 депутаттын арасында Бешимбаева дагы көрсөтүлгөн.
Буга чейин эл өкүлү Эмил Токтошев дагы долбоордун автору болуп калганын социалдык тармактан билгенин айтып чыккан.
