21:57 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Саясат
Кыскача шилтеме алуу
888 0 0

Өлкө башчысы акыркы убакта ар ишемби сайын маек куруп, кызыктырган суроолорго жооп берип келет.

БИШКЕК, 15-авг. — Sputnik. Күчтүү жарандык коом жана сөз эркиндиги кайсы гана өлкөнүн болбосун өнүгүүсүнө жакшы түрткү болот. Ошондуктан күчтүү жарандык коомдун жана сөз эркиндигинин өнүгүшүнө жол ачып берүү керек. Бул тууралуу президент Сооронбай Жээнбеков "Биринчи радиого" маек куруп жатып айтканын маалымат кызматы кабарлады.

Өлкө башчысына мезгил-мезгили менен президентке сын айткан тигил же бул журналистти, блогерди же жарандык активистти укук коргоо органдарына чакырып калганы, алардын сурак бергени тууралуу суроо узатылган.

Жээнбековдун айтымында, сөз эркиндигинин артында чоң жоопкерчилик бар. Ар ким өз милдетин аткарышы керек.

Жээнбеков 13 судьяны дайындоого макул болуп, бирөөнү жаратпай койду. Тизме

"Мен президент катары өз милдетимди аракет кылып аткарып жатам. Милиция өз милдетин аткарат. Журналист же активист сындап жазат. Сүйлөйт. Сындап, жазып, сүйлөп, ал да өз ишин аткарып жатат да", — деди өлкө башчы.

Ал алдыда чоң саясий иш — парламенттик шайлоо жакындап калганын белгилеп өттү.

"Өзүнө көңүл бурдургусу, тааныткысы келгендер болот. Мунун баары табигый көрүнүш. Буга ар бир саясатчы, мен баш болуп даяр болушубуз керек. Бирок ар бир жаран коомчулукка кандайдыр бир билдирүү менен чыгып жатып, башканын жоопкерчилигин талап кылып жатып, өзүнүн да жоопкерчилигин унутпаса. Башка жарандын укугун тебелебесе. Саясий же жөн гана адамдык маданияттын алкагында талаш, сын, талкуу болсо, ал туура көрүнүш. Жогоруда айттым. Дагы кайталап айтам. Милиция да өз ишин аткарып жатат. Бирок мен, президент катары, мына ошондой суракка чакырып, мени коргоого муктаж эмесмин", — деди Жээнбеков.

Эскерте кетсек, парламенттик шайлоо ушул жылдын 4-октябрына дайындалган.

Тема боюнча

Парламенттик шайлоонун үгүт иштерине ырчы-чоорчулар катыша албайт. Себеби
Белгилер:
коргоо, журналист, сөз эркиндиги, милиция, Сооронбай Жээнбеков

ЭҢ МААНИЛҮҮ