ЖК шайлоо босогосун 7 пайызга түшүрүү мыйзамын биринчи окууда жактырды

© Пресс-служба правительства / Сабыр АильчиевЗаседание Жогорку Кенеша КР, где были представлены программа, структура и состав Правительства КР
Заседание Жогорку Кенеша КР, где были представлены программа, структура и состав Правительства КР - Sputnik Кыргызстан
Жазылуу
Учурдагы мыйзам боюнча парламенттик шайлоого аттанган партиялар шайлоочулардын 9 пайыздан кем эмес добушун алышы керек.

БИШКЕК, 14-май — Sputnik. Жогорку Кеңеш бүгүн  шайлоо босогосун 7 пайызга түшүрүү боюнча мыйзам долбоорун биринчи окууда жактырды. 

Сунушталган мыйзамды 101 депутат колдосо, тогузу каршы добуш берди. 

Кыргызстандын президенти Сооронбай Жээнбеков. Архив - Sputnik Кыргызстан
Ар бир саясатчы өзүн лидер ойлойт. Жээнбеков 9 пайыздык босого тууралуу айтты
Мыйзам долбоорун Талант Мамытов, Өмүрбек Бакиров, Азиз Турсунбаев, Кубанычбек Нурматов башында турган 21 депутат демилгелеген.

Деген менен дал ушундай эле мыйзам долбоорун буга чейин депутаттар Мирлан Жээнчороев, Исхак Масалиев, Жанар Акаев, Наталья Никитенко, Дастан Бекешев демилгелеп, босогону 5 пайызга түшүрүүнү сунушташкан.  Ал мыйзам долбоору азырынча карала элек.

Буга байланыштуу бүгүнкү жыйында эки мыйзамдын авторлорунун ортосунда талаш жаралды.

Эскерте кетсек, 2010-жылы шайлоо босогосу 5 пайызды, 2015-жылы 7 пайызды түзгөн. Андан соң 2017-жылда киргизилген өзгөртүүлөргө ылайык, 9 пайыздык чек коюу үстүбүздөгү жылдын январынан тартып күчүнө кирген.

Жаңылыктар түрмөгү
0