10:41 30 Бугу 2020
Түз эфир
  • USD73.7678
  • EUR82.0114
  • RUB1.0426
Саясат
Кыскача шилтеме алуу
3217 0 0

Президенттик аппарат ушактан алыс болуп, инфекция менен күрөшүп жаткан мамлекеттик органдарга жардамдашууга чакырды.

БИШКЕК, 21-апр. — Sputnik. Президенттин маалымат кызматынын жетекчиси Наргиза Мансурова мамлекеттик бийлик коронавирус менен алпурушуп жаткан чакта жалган маалыматтарды таратуудан карманууга чакырды.

Ал азыркы тапта мамлекеттик органдардын баары коронавирусту ооздуктоо жана анын кесепети менен күрөшүүгө болгон күчүн жумшап жатканын белгилейт.

“Премьер-министрдин жана өкмөттүн отставкага кетиши, өлкөнүн өкмөт башчысы кызматына талапкер тандоо сыяктуу ар кандай маалыматтык манипуляциядан оолак болушуңуздарды суранабыз. Соңку күндөрү көбүртүп-жабырткан ушактарды кимдир бирөө атайын бир максатты көздөп таратып жатат деген божомолубуз бар”, — деди Мансурова.

Мындан улам маалымат кызматтын жетекчиси саясий чөйрөнү жана жалпыга маалымдоо каражаттарын болгон энергиясын инфекция менен күрөшүп жаткан мамлекеттик органдарга жардамдашууга сарптоого чакырды.

Буга чейин премьер-министр Мухаммедкалый Абылгазиевдин маалымат катчысы дагы “кызматтан кетүүгө арыз жазды” деген маалыматты төгүндөгөн.

Белгилей кетсек, бир-эки күн мурда социалдык тармактарда Абылгазиевдин отставкага кетери айтылып, анын ордуна жаңы талапкерлерди сунуштай башташкан.

Тема боюнча

Боронов Абылгазиев баштаган министрлерди жазадан сактап калды
Абылгазиев отставкага кетти деген маалымат төгүндөлдү
Белгилер:
өкмөт, отставка, ушак

ЭҢ МААНИЛҮҮ