13:05 27 Бугу 2020
Түз эфир
  • USD74.0750
  • EUR81.1788
  • RUB1.0412
Саясат
Кыскача шилтеме алуу
1235 0 0

Буга чейин Ош шаарында бир эле дарекке 1000 адам каттоого турганы аныкталып, укук коргоо органдары иликтеп баштаган.

БИШКЕК, 11-мар. — Sputnik. Жергиликтүү кеңешке шайлоо өтө турган шаарларга жаңыдан каттоого турган жарандар шайлоочулардын тизмесине киргизилген жок. Бул тууралуу БШКнын мүчөсү Абдыжапар Бекматов парламенттин жыйынында билдирди.

Белгилей кетсек, шайлоону утурлай Ош шаарына 35 895 киши, Караколго 3159 адам каттоого турганы белгилүү болгон. Бир эле дарекке 1000 адам катталганы аныкталган. Бул боюнча сотко чейинки өндүрүш ачылып, укук коргоо органдары иликтеп жатат.

"Жашаган жерин өзгөрткөн жарандарды шайлоочулардын тизмесине киргизген жокпуз. Анткени алар жатаканага же башка жерлерге каттоого турган. Жергиликтүү кеңешке шайлоо өтө турган 30 аймакта 340 470 шайлоочу болгон. Тактоолордон кийин шайлоочулардын саны жалпысынан 2066 адамга эле өстү. Ал эми Ош шаарында 576га көбөйдү. Калганын укук коргоо органдары териштирип бүткөндөн кийин гана тизмеге өзгөртүү киргизүү чечими кабыл алынат", — деди Бекматов.

Ал ошондой эле Ош шаарына жаңыдан каттоого турган 30 миңден ашуун жарандын азырынча добуш берүүгө укугу жок экенин белгиледи. Укук коргоо органдары 28-мартка чейин чечим чыгарышы керек, эгер кечиктирилсе, алар шайлоого катыша албайт.

Эске салсак, 12-апрелде Ош, Каракол, Балыкчы, Токмок жана Майлуу-Суу шаардык кеңештерине жана ондогон айылдык кеңешке шайлоо өтөт.

Тема боюнча

Ошто шайлоочулардын саны өсүүдө. Башкы прокуратура үн катты
Шаардык кеңештердин шайлоосуна катышуу ниетин билдирген 22 партиянын тизмеси
Белгилер:
каттоо, өзгөртүүлөр, тизме, Жергиликтүү кеңештерге шайлоолор, Ош

ЭҢ МААНИЛҮҮ