10:01 02 Бештин айы 2020
Түз эфир
  • USD84.7998
  • EUR101.5859
  • RUB1.1111
Саясат
Кыскача шилтеме алуу
594 0 0

Президент Сооронбай Жээнбеков Коопсуздук кеңешинин жыйынында мурдагы аткаминер тууралуу кеп козгоп, сот жана көзөмөл органдарын сындаган.

БИШКЕК, 27-янв. — Sputnik. Мамлекеттик каттоо кызматынын мурдагы кызматкери Насирбек Алмаматовдун иши боюнча экинчи инстанцияда мамлекеттик айыптоочу болгон прокурор Р.Б. ээлеген кызматынан бошотулду. Бул туурасында Башкы прокуратуранын маалымат кызматынан билдиришти.

ЖМКлардын маалыматы боюнча, аталган иште мамлекеттик айыптоочу милдетин Белек Рысбеков аткарган.

9-июлда Бишкек шаардык соту (экинчи инстанцияда) Транспорт каражаттарын жана айдоочулук курамды каттоо департаментинин экс-директору Насыр Алмаматовду эркиндикке чыгарган.

Жазасы жеңилдеген аткаминер 3 миллион 300 миң сом айып пул төлөмөй болгон. Анткен менен Жогорку сот Октябрь райондук сотунун (биринчи инстанция) чечимин жокко чыгарып, Алмаматовду 12,5 жылга эркинен ажыраткан. Бирок соттук процесстер жүрүп жаткан кезде аткаминер качып кеткени белгилүү болгон. Буга байланыштуу ноябрда ага издөө жарыяланган.

24-январда Коопсуздук кеңешинин жыйынында президент Сооронбай Жээнбеков Башкы прокурор Өткүрбек Жамшитов менен Жогорку соттун төрайымы Гүлбара Калиеваны сындаган.

Анын айтымында, бул резонанстуу иш болчу. Аны менен УКМКнын коррупцияга каршы кызматы бир нече ай бою күнү-түнү иштеген.

"Аны кармоого жана коррупциялык ишине бөгөт коюуга канча ай кеткенин билесиңерби? Бир сот менен прокурор аны коё берип салды. Менин таң калганым, эмнеге чара көрбөйсүңөр? Эркиндикке чыгарган прокурор дагы деле иштеп жатат. Ал эмнеге жумуштан кеткен жок? Бул нерсени прокурор өзү кылган жок, жогорку жактан тапшырма болгон. Ошол себептен иштен албай жатышат, себеби бардыгын айтып коёт деп коркушат", — деген Жээнбеков.

Өлкө башчынын айтымында, мындай учурлар өзүнө жана прокурор менен сотторго көлөкө түшүрөт.

"Мага сөз тийип жатпайбы. Мен тапшырма бергендей болуп жатпаймынбы. А силер былтыйып отурасыңар! Мына ушинтип элдин укук коргоо органдарына болгон ишеними жоголот. Эмне деген акмакчылык!" — деген Жээнбеков Коопсуздук кеңешинин жыйынында.

Алмаматов УКМК тарабынан 2018-жылы пара менен кармалган. Тергөөдө аны автоунааларды каттоодо жана айдоочулук күбөлүк алуу үчүн экзамен тапшырууда коррупциялык схема түзүп акча алып турганы аныкталган.

Тема боюнча

Соттордун кадыр-баркына шек келтирди делген судьяны иштен бошотуу сунушталды
Белгилер:
прокурор, Сооронбай Жээнбеков, Кыргызстан

ЭҢ МААНИЛҮҮ