14:05 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Айыл чарба, тамак-аш өнөр жайы жана мелиорация министрлигинде бөлүм башчы Анаркүл Беккулиева

Кызматын чоңойтуп Кытайга жөнөгөн бөлүм башчынын ишин комиссия иликтейт

© Sputnik / Табылды Кадырбеков
Саясат
Кыскача шилтеме алуу
974 0 0

Бөлүм башчы Анаркүл Беккулиева министрдин орун басары рангы менен Кытайга командировкага аттанып жаткан.

БИШКЕК, 5-авг. — Sputnik. Бөлүм башчынын "министрдин орун басары" деген ранг менен Кытайга жөнөтүлүшү боюнча Айыл чарба, тамак-аш өнөр жайы жана мелиорация министрлигинде комиссия түзүлдү. Бул туурасында аталган ведомствонун маалымат кызматы билдирди.

Комиссия иликтөөнүн жыйынтыгын эртең, 6-августта, кечке чейин жарыялай турганын белгиледи.

Буга чейин аталган министрликтин экспорт бөлүмүнүн башчысы Анаркүл Беккулиеваны министрдин орун басары рангы менен Кытайдагы эл аралык жарманкеге жөнөтүүгө белсенип жатканы боюнча маалымат тараган.

Мындай документке министрдин орун басары Амангелди Исаев кол койгон. Мындан улам кытай тарап "Чын эле бөлүм башчынын министрдин орун басары рангы барбы?" деп Кыргызстандын Тышкы иштер министрлигине сурап жөнөткөнү белгиленет. ТИМ учурда маселени тактоодо.

Бул иш боюнча министр Эркинбек Чодуев да, документ кол койгон Амангелди Исаев да жооп бербей жатат.

Жогорку Кеңештин депутаты Элвира Сурабалдиева пост жазып, "министрлик өлкөнү эл аралык деңгээлде уят кылды" деп сыпаттады.

Анаркүл Беккулиева мурда азык-түлүк коопсуздугу бөлүмүн жетектеген. Жакында эле жаңы түзүлгөн экспорт бөлүмүнүн башчылыгына дайындалган.

Тема боюнча

Бөлүм башчы кызматын чоңойтуп Кытайга жөнөгөн. Айыл чарба министрлигиндеги чуу
Прокуратура Исакунова, Каденова, Мамытова кайсы жакка кантип барганын ачыктады
Белгилер:
комиссия, иликтөө, экспорт, Айыл чарба жана мелиорация министрлиги

ЭҢ МААНИЛҮҮ