06:45 19 Баш оона 2019
Түз эфир
  • USD69.7979
  • EUR77.3640
  • RUB1.0576
Финансылык чалгындоо мамлекеттик кызматынын төрагасы Гуламжан Анарбаев. Архив

Финчалгындоонун төрагасы менен Матраимовдор кудабы? Аткаминер үн катты

© Пресс-служба президента КР / Султан Досалиев
Саясат
Кыскача шилтеме алуу
751 0 0

Депутат Карамушкина өзүнүн Facebook тармагындагы баракчасына Руслан Матраимов Финчалгындоонун жетекчиси менен тууган экенин жазып чыкты.

БИШКЕК, 4-июн. — Sputnik. Финансылык чалгындоо мамлекеттик кызматынын төрагасы Гуламжан Анарбаев Sputnik Кыргызстан агенттигинин кабарчысы менен сүйлөшүп жатып, Руслан Матраимов менен эч кандай тууганчылык жайы жок экенин билдирди.

Айта кетсек, Жогорку Кеңештин депутаты Ирина Карамушкина өзүнүн Facebook тармагындагы баракчасына Руслан Матраимов тууралуу билдирүү жазды.

"Ушул тапта Финансылык чалгындоо кызматынын төрагасы Гуламжан Анарбаев премьер-министрге Матраимовдордун иши тууралуу отчёт берип жатат. Гуламжан Анарбаев менен Матраимовдор куда болот экен, анткени Руслан Матраимов Гуламжандын бир тууган карындашына үйлөнүптүр. Президент Жээнбеков алардын тууганчылыгы тууралуу билет. Биздин өлкө толугу менен Матраимовдордун "сетевой маркетингине" кирип кеткенби?" — деп жазды депутат.

Ал эми Анарбаев бул маалыматты төгүндөдү.

"Жок, керек болсо тактап көрүшсүн. Менин Матраимовдор менен тууганчылык байланышым жок", — деди төрага.

Ошондой эле ал "депутат Карамушкина биз баарыбыз Оштон болгонубуз үчүн ушинтип божомолдоп жатат окшойт" деген пикирин айтты.

Бүгүн, 4-июнда, премьер-министр Мухаммедкалый Абылгазиев "Азаттык" радиосунун журналисттик иликтөөсүндө айтылган фактыларды текшерүүнүн жүрүшү боюнча кеңешме өткөрдү.

Анарбаев Финпол менен Финансылык чалгындоо кызматы 700 миллион долларды чыгарып кетүү фактысын текшерип жатканын айткан.

Тема боюнча

Матраимовдордун чуусу: өкмөт 700 млн. доллардын чыгышы тууралуу 5 жыл мурун билген
Белгилер:
туугандар, Гуламжан Анарбаев, Ирина Карамушкина

ЭҢ МААНИЛҮҮ