21:17 16 Аяк оона 2019
Түз эфир
  • USD69.8099
  • EUR77.2028
  • RUB1.0937
Папка. Архивдик сүрөт

"Кедергим тийбесин дедим". Иманкадыр Рысалиев кызматтан кеткен себебин айтты

© Sputnik / Рамиль Ситдиков
Саясат
Кыскача шилтеме алуу
76010

Бүгүн эле өкмөт башчы жана анын маалымат кызматы Рысалиев боюнча эки ирет маалымат берген.

БИШКЕК, 18-май — Sputnik. Премьер-министр Мухаммедкалый Абылгазиевдин бажасы Иманкадыр Рысалиев "Ачык өкмөт" программасынын катчылыгынын жетекчилигинен кетүү боюнча арызын жазгандыгын Sputnik Кыргызстан маалымат агенттигине тастыктады.

"Байкоочу кеңештин мүчөлөрүнөн менин ордума башка талапкерди таап, сунуш кылгыла, ЕККУ (Европалык коопсуздук жана кызматташуу боюнча уюму) тандасын деп сурандым. Болбосо жанагыдай фейк жаңылыктарды таратып эле жинди кылып жатпайбы. Мындай кадамды өзүм иштеп келген "Ачык өкмөт" долбооруна кедергиси тийбесин деген максат менен жасадым", — деди Рысалиев.

Ал бир жылдан бери аталган кызматта иштеп келгенин айтып, чечимди качан кабыл алганын кошумчалады.

"Бул чечимди эртең менен өзүм кабыл алгам. Анан премьер-министр жана башка деген маалыматтар чыгып калды. Мейли эми андай деле болсун. Негизгиси бул менин жеке чечимим", — деди Рысалиев.

Бүгүн өкмөт башчы Мухаммедкалый Абылгазиев "Ачык өкмөт" долбоорунун катчылыгынын жетекчиси Иманкадыр Рысалиевди кызматынан алуу сунушун киргизген.

Эске салсак, "КТ Мобайл" чыры боюнча түзүлгөн депутаттык комиссиянын 17-майдагы жыйынында MegaCom бренди менен таанымал "Альфа Телеком" компаниясынын жетекчиси Акылбек Жамангулов аны Иманкадыр Рысалиев коркутуп жатканын билдирген.

Жамангуловдун айтымында, Рысалиев мындай жол менен "КТ Мобайл" ишканасын ишке киргизүү үчүн каражат которуусун талап кылган. Бирок Рысалиев аны туура эмес деген пикирин тараткан

Андан мурдараак "КТ Мобайлдын" жетекчилери 300-350 миң маяна алары айтылып, директордун орун басары өкмөт башчы Мухаммедкалый Абылгазиевдин бажасы Иманкадыр Рысалиевдин баласы экени ачыкталган.

Бул коомчулукта резонанс жаратып, жетекчилердин баары иштен кетүүгө мажбур болду.

Тема боюнча

Абылгазиев бажасын кызматтан алуу сунушун киргизди
Ишене албайм! Абылгазиев "КТ Мобайлга" аралашкан бажасы боюнча үн катты. Видео
Райым Матраимов өкмөттү Жогорку Соттон да утту
Белгилер:
"КТ Мобайл" ЖЧКсы, Иманкадыр Рысалиев, Мухаммедкалый Абылгазиев, Кыргызстан

ЭҢ МААНИЛҮҮ