Жогорку сот Текебаев менен Чотоновго өкүм чыгарды

© Sputnik / Расул УсеналиевСуд над политиком Омурбеков Текебаевым
Суд над политиком Омурбеков Текебаевым - Sputnik Кыргызстан
Жазылуу
Текебаев менен Чотоновдун жактоочулары жаңы ачылган жагдайлардан улам ишти райондук сотко кайтарууну өтүнүшкөн.

БИШКЕК, 3-май — Sputnik. Жогорку соттун судьясы Жаңыл Мамбеталы баштаган соттук коллегия Өмүрбек Текебаев менен Дүйшөн Чотоновдун иши боюнча буга чейин чыккан сот өкүмдөрүн өзгөртүүсүз калтырды.

Сот өз өкүмүндө соттолуучулардын мал-мүлкүнө салынган камакты алып салды. Жогорку соттун токтому акыркы экени жана даттанууга жатпай турганы белгиленди.

Бүгүнкү сот отурумунда Өмүрбек Текебаев менен Дүйшөн Чотоновдун жактоочулары жаңы ачылган жагдайлардан улам Биринчи Май райондук сотунун, Бишкек шаардык сотунун жана Жогорку соттун өкүмүн жокко чыгарып, ишти кайра кароо үчүн аны Биринчи Май райондук сотунуна жиберүүнү суранган.

Суд над политиком Садыром Жапаровым - Sputnik Кыргызстан
Сот Садыр Жапаровдун жаза мөөнөтүн кыскартты
Бирок мамлекеттик айыптоочу адвокаттардын келтирген дооматтары менен макул эместигин, ишти кайра кайтарууга негиз жок экенин айтты. Андан сырткары, бардык дооматтарга укуктук баа берилгенин кошумчалады.

Сотко Жогорку Кеңештин депутаттары Алмамбет Шыкмаматов, Бахадыр Сулейманов, Сайдулла Нышанов, Наталья Никитенко, Эмил Токтошев, экс-депутаттар Асия Сасыкбаева, Аида Салянова, Чолпон Жакупова катышты. Коомдук ишмер Медеткан Шеримкулов да сотто болду. Андан сырткары, сот отурумуна Текебаевдин келинчеги Айгүл Текебаева жана экс-депутаттын жактоочулары келди.

Эске салсак, парламенттин экс-депутаты Өмүрбек Текебаев Кылмыш жаза кодексинин "Коррупция" жана "Алдамчылык" беренелери боюнча айыпталып, 8 жылга эркинен ажыратылган. Соңку өкүмдү Жогорку сот чыгарган.

Бирок кийин Текебаевдин жактоочулары жаңы ачылган жагдайлар боюнча Жогорку сотко кайрылып, ишти кайра кароону өтүнгөн.

Жаңылыктар түрмөгү
0