22:04 28 Үчтүн айы 2020
Түз эфир
  • USD69.8500
  • EUR76.9712
  • RUB1.1117
Саясат
Кыскача шилтеме алуу
Азимкан Жусубалиевдин кармалышы (23)
1746 0 0

Депутат министрдин айткандары эки башка чыгып жатканын айтып, аны териштирүү керектигин белгиледи.

БИШКЕК, 13-дек. — Sputnik. Депутат Алтынбек Сулайманов транспорт жана жолдор министринин орун басары Азимкан Жусубалиев ири пара менен кармалганын эскертип, ал боюнча министр Жамшитбек Калиловдун пикири эки башка чыгып жатканын атайын органдар текшериши керектигин айтты.

Мындай сунушун депутат парламенттин жалпы жыйынында көтөрдү. Анын ырасташынча, Калилов биринчи күнү орун басарынын кармалганына шок болгонун айтса, кийинки интервьюсунда аны билгенин жана өкмөт башчы менен укук коргоо органдарына маалымат бергенин билдирген.

"Биринчи күнү башкача, экинчи күнү башкача айтып жатат. Демек, бул орун басарын өзү салып берип жатат, же бул жерде башкача иш жүрүүдө. Ушуну аягына чейин иликтегиле, эмне үчүн министрдин айткандары эки башка чыгып жатат?" — деди депутат.

Премьер-министр Мухаммедкалый Абылгазиевдин архивдик сүрөтү
© Фото / Пресс-служба правительства / Алишер Алиев
Ал эми депутат Абдывахап Нурбаев "Премьер-министр Мухаммедкалый Абылгазиев эмне үчүн Калиловду иштен албай жатат?" деп ачууланды. Антпесе эл арасында бул ишке премьер дагы аралашкан окшойт деген сөз тарап жатканын айтты.

Эскерте кетсек, транспорт жана жолдор министринин орун басары Азимкан Жусубалиев жол куруу боюнча өткөрүлгөн тендерде чет элдик компаниянын кызыкчылыгын коргоо үчүн 520 миң доллар пара алууга макулдашкан. Акчанын 50 миң долларын алып жатканда аны УКМКнын Коррупцияга каршы күрөшүү кызматы колго түшүргөн. Аткаминер андан мурдараак 120 миң долларын алган, калганы кийинки жумада колуна тиймек.

Тема:
Азимкан Жусубалиевдин кармалышы (23)

Тема боюнча

Депутат Нурбаев: эмнеге министр Калилов иштен кетпей, өкмөт үн катпай жатат
Орун басарымдын ишин мурда эле билгем. Калиловдун капыл-тапыл маеги видеодо
Калилов: Бишкек — Кара-Балта жолу 2021-жылы толук пайдаланууга берилет
Белгилер:
коррупция, пара, Жамшитбек Калилов, Азимкан Жусубалиев, Алтынбек Сулайманов

ЭҢ МААНИЛҮҮ