01:32 19 Жетинин айы 2018
Түз эфир
  • USD69.8400
  • EUR79.2474
  • RUB1.0583
Депутат Аскарбек Шадиевдин архивдик сүрөтү

Аскарбек Шадиев мандатынан ажыратылды

© Sputnik / Табылды Кадырбеков
Саясат
Кыскача шилтеме алуу
Аскарбек Шадиевге козголгон кылмыш иши (17)
195 0 0

Шадиев өз фракциясына андан чыгуу боюнча кат жазган.

БИШКЕК, 2-ноя. — Sputnik. Жогорку Кеңештеги "Бир Бол" фракциясынын депутаты Аскарбек Шадиев мандатынан ажыратылды. Бул тууралуу Борбордук шайлоо комиссиясынан билдиришти.

Ага ылайык, БШК мүчөлөрү бүгүнкү жыйынында Шадиевди мандатынан ажыратуу маселесин карашкан.

"Аскарбек Шадиев өзүн фракциядан чыгаруу боюнча фракцияга кат жазган экен. "Бир Бол" Борбордук шайлоо комиссиясына Аскарбек Шадиевди мандаттан ажыратуу чечимин жана анын катын жөнөткөн. БШК аны карап, канааттандырды", — дешти БШКдан.

Ал эми Шадиевдин ордуна Эрмамат Тагаев депутат болуп келди.

Белгилей кетсек, Шадиев 6-апрель күнү кызматтан кетүү боюнча арызын жазган. Анын жумуштан кетүүсүнө Жогорку Кеңештин Эл аралык иштер, коопсуздук жана коргонуу комитетинин бөлүм башчысы Арсен Закиров алып алды делген 2 миллион сомго байланыштуу козголгон кылмыш иши себеп болгон.

Ал эми 1-июнь күнү УКМК Шадиев 27-апрель күнү Баткен облусуна тууганын акыркы сапарга узатуу зыйнатына катышканы барып, андан ары чек арадан мыйзамсыз өтүп кеткенин билдирген. Депутат дипломаттык паспортун пайдалануу менен Худжант — Москва каттамы менен учуп, андан соң АКШнын Нью-Йорк шаарына бет алганы белгилүү болгон.

Шадиевге "Кызматынан кыянаттык менен пайдалануу", "Мамлекеттик чек араны мыйзамсыз кесип өтүү" жана "Криминалдык жол менен табылган каражатты мыйзамдаштыруу" беренелери боюнча үч кылмыш иши козголгон.

Тема:
Аскарбек Шадиевге козголгон кылмыш иши (17)

Тема боюнча

Шадиевдин иши боюнча тергөө аяктап, сот болчу күн аныкталды
УКМК: Шадиевдин бүлөсү мүлкүнүн бир бөлүгүн иш козголгонго чейин сатып ийген
Белгилер:
тергөө, сот, коррупция, Аскарбек Шадиев
Колдонуу эрежелериПикирлер

ЭҢ МААНИЛҮҮ