10:38 09 Бештин айы 2019
Түз эфир
  • USD69.8490
  • EUR77.5883
  • RUB1.0962
Депутат Исхак Масалиевдин архивдик сүрөтү

Депутат Масалиев: Атамбаевдин кол тийбестигин алуу керек

© Sputnik / Табылды Кадырбеков
Саясат
Кыскача шилтеме алуу
ТЭЦ боюнча козголгон кылмыш иштер жана кармалгандар (69)
1108 0 0

Ушу тапта Жогорку Кеңештин депутаттары ТЭЦтеги авария жана аны модернизациялоого кеткен каражатты иликтөө боюнча комиссиянын корутундусун талкуулап жатышат.

БИШКЕК, 10-май — Sputnik. Жогорку Кеңештин "Өнүгүү — Прогресс" фракциясынын депутаты Исхак Масалиев экс-президент Алмазбек Атамбаевдин кол тийбестигин алып, иш козгоо сунушун айтты.

Бүгүн парламентте ТЭЦтеги авария жана аны модернизациялоого кеткен каражатты иликтеген депутаттык комиссиянын корутундусу каралууда. Комиссиянын төрагасы Улан Примовдун сөзүнөн кийин ага мүчө болгон Исхак Масалиев кошумча маалымат берүү үчүн чыккан.

Депутаттын айтымында, ТЭЦти модернизациялоо жана бул ишке насыя алуу туура кадам болгон. Ал эми келишим түзүүдө, Кыргызстандын кызыкчылыгына ылайыкташтырууда кемчиликтер кеткен.

"2013-жылы май айында президенттик аппараттын эки бөлүмүнүн башчысы Сапар Исаков менен Нурсулуу Ахмедова өлкө башчы Алмазбек Атамбаевдин атына модернизациялоо жана насыя алуу зарылдыгы тууралуу кызматтык кат жолдошкон. Президент ошол кездеги финансы жана энергетика министрине модернизациялоого каражат бөлүү боюнча түз буйрук берген. Өлкө башчы айтып жаткандан кийин кайсы министр баш тартмак эле? Мыйзам боюнча президенттин аткаруу бийлигине буйрук берүүгө укугу жок. Ушул жерге Атамбаевдин аралашканынан кылмыштын белгилери байкалат. Анткени президент өз укугунан аша чаап кеткен. Узурпация деген сөз бар. Демек, Атамбаевдин кол тийбестигин алып, тийиштүү органдары бул боюнча иштеши керек. Кол тийбестик кандай жол менен алынат — ал башка маселе", — деди Масалиев.

Эл өкүлү кытай компаниясы менен келишим түзүүгө депутаттардын да салымы бар экенин, ТВЕА компаниясынын эсебинен Кытайга барып эс алып келген 10 депутат тууралуу айтып, бул аракетти сынга алды.

Эскерте кетсек, жыйынга экс-премьер-министрлер катышууда. Алардын бири Сапар Исаков Масалиевдин айткандарына жооп берди. 

Тема:
ТЭЦ боюнча козголгон кылмыш иштер жана кармалгандар (69)

Тема боюнча

Улан Примов: ТЭЦ боюнча депутаттык комиссияга эч ким басым көрсөткөн жок
Жогорку Кеңештин жыйынына Сапар Исаков келди
Белгилер:
Жогорку Кеңеш, Исхак Масалиев, Алмазбек Атамбаев

ЭҢ МААНИЛҮҮ